Tsetse Ndwuma

Tsetse ber a na hɛn nananom da kwaa mu no, nna wɔyɛ ndwuma pii. Ndwuma yi bi nye kuayɛ, sikadwin, duadwin, ahayɛ, apoyɛ, nye dza ɔkekaho. Ɔnam dɛm ndwuma ahorow yi do wonya suahun dodowara wɔ abɔdze nye ɔdomankom mu a wɔnam do dze bi yɛɛ nsɛnkaa na abɛbu ma nkyirmba ma ndɛ yɛabɔto.

Kwan a wɔnam do kyerɛe ma ndɛ ndwuma no bi wɔ hɔ nye dɛ, edwuma a egya yɛ no sɛ ne ba banyin du ne mpanyin mfe do a nna ɔafa no abata ne ho na ɔakyerɛ no. Sɛ abofra no mmpɛ egya no n'edwuama no a, ɔno abofra no kyerɛ edwuma a ɔpɛ na egya no akɔka ho asɛm ana ɔdze abofra no akɔhyɛ onyia no nsa.