Abɛbu

Nnyi abɛ eso edɛ ewua wonsie wo wɔ mbɛ ase.

Ndɔnsia bɔ mprɛnu wɔ da kor mu.

Dua kor gye ehum a, obu.

Ɔbra no bɔ yɛ bɔ na.

Esuankyi faakor a otwa ehur.

Bruosou a ƆyƐ dɛw na abaa daase.

Wose ekyir yɛ wowin dɛn ara ,hɔ ara na etafir.

Nnyɛ dza a ɔyɛfɛw nyinara na ɔyɛ sika kɔkɔɔ.

Kwaakwaa wɔdze awerɛw kwa.

Awar nntse dɛ ahwehwɛ na akɔsɔ ahwɛ.

Awar nntse dɛ nsa efuw na asɔahwɛ.

Epusuw nunum a na etse ne kankan.

Wɔdze ahɔho kyekyer kurow.

Ohianyi ne nkyia yɛ aserɛserɛ dze.

Mena fofor apra yɛ fɛw na mena dadaw na nyim dan ne bebiara.

Ɔhen a wɔnka n'asɛm ne tam tse ben wɔ baguamu.

Efefee fun enyiwa ase a ehu naaman.

Inyim dze a nsɛɛ dze.

Wɔfa tsease nka mekruyi kɔ nso, kruw yiara na okum wɔfa.

Abofra bɔ nwaw nanso ɔmbɔ akyekyerɛ.

Sɛ epɛ w'asew n'adegyaw ahwɛ a na ema no kokodo haban.

Ɔnyɛ obi na okum Antwi mbom Buesiako na ɔdze ne tsir akegye akyerɛma.

Anyankosɛm ntsina ɔkɔkɔ ennya tsir.

Frɔmfrɔm nntse hɔ daa.

Ɔbrapa gya Owura Kwan.