Kwadwo Baah-Wiredu

human
Bɔbea	male
Ɔman a ofir do	Ghana
Dzin a wɔdze ama no	Kwadwo
Da a wɔwoo no	1952
Bea a wɔwoo no	Agogo
Owu da	24 Fankwa 2008
Languages spoken, written or signed	English
N'edwuma	politician, chartered accountant
Educated at	unknown value, Institute of Chartered Accountants of Ghana, Prempeh College
Member of political party	New Patriotic Party
Religion or worldview	Christian
Replaced by	Kwame Anyimadu-Antwi

Kwadwo Baah-Wiredu (1952 kɔsii 24 Fankwa 2008) yɛ Ghana amanyɛnyi na Akontaabufo a wɔagye dzin. Ɔyɛ mbrahyɛbaguanyi wɔ Ghana Mbrahyɛbagua no mu a ɔgyina Asante Akim North Constituency ananmu fir Sanda 1997 kɔsii ne wuo wɔ Fankwa 24, 2008. Ɔyɛɛ ɔman soafo wɔ ɔsom edwuma ahodo mu wɔ Kan Ɔmanpanyin Kufuor aban do fir afe 2001.

Ɔbra Ahyɛse Na Nwomasua

Wɔwoo Baah-Wiredu wɔ Asante Akim Agogo. Ɔhyɛɛ nye ntoado sukuu ase wɔ Kumasi High School, Kumasi wɔ afe 1967. Ɔnyaa GCE Ordinary Level Certificate wɔ afe 1972. Ɔnyaa nye adzesua a ɔtɔ do nsia wɔ Prempeh College, a ɔno nso wɔ Kumasi. Baah-Wiredu kɔɔ Ghana Suapɔn mu wɔ afe 1974 mu na ɔnyaa B.Sc. wɔ Administration (Akontaabu ho nhyehyɛe) mu. Afei ɔyɛɛ mfe anan adzesua wɔ Institute of Chartered Accountants a ɔfata dɛ chartered accountant wɔ afe 1985 mu.

Edwuma

Kwadwo Baah-Wiredu nye Ghana Airways na Volta River Authority yɛɛ edwuma wɔ dzibea ahodo mu. Ɔyɛɛ edwuma dɛ kɔmputa-nhyehyɛe ho ɔfotufo panyin na Ananse Systems sikasɛm sohwɛfo. Ansa na ɔbɛyɛ Mbrahyɛbaguanyi no, na ɔyɛ ɔhokafo wɔ Asante Wiredu and Associates, akontaabu edwumakuw (accounting firm) bi mu.

Amanyɛsɛm

Dɛ Mbrahyɛbaguanyi

Baah-Wiredu hyɛɛ n’amanyɛsɛm edwuma ase wɔ afe 1997 mu ber a ɔdaa nye ho edzi dɛ odzii nkonyim wɔ 1996 Ghana Abatow no mu no. Ɔyɛ hɔn a wɔyɛɛ ɔsatu tsiaa Union aban (UNIGOV) adwene a Ɔsahene Acheampong Asraafo Bagua Kuninyi no hyɛɛ ho nkuran wɔ 1978 mu no mu ɛkoro. Ɔdze nye ho bɔɔNew Patriotic Party no ho ber a wɔhyehyɛɛ no wɔ afe 1992. Ɔbɛyɛɛ MP wɔ Mbrahyɛbagua a ɔtɔ do ebien a ɔwɔ Fourth Republic no mu wɔ 1996 mbrahyɛbagua abatow no ekyi na efi saa ber no ɔkɔɔ do kuraa n’akongua mu.

Dɛ Ɔman Soafo a Ɔhwɛ ɔman no do

Ɔbɛyɛɛ Ɔsomfo wɔ Kan Ɔmanpanyin John Kufuor NPP aban mu wɔ afe 2001 mu. Ɔkuraa Mpɔtam Aban na Nkuraase Nkɔdo (2001–2003) na Nwomasua, Mmabun na Agumadzi ho nnwuma(2003–2005). Ɔbɛyɛɛ Ɔmanpanyin a ɔhwɛ Sikasɛm na Sikasɛm Nhyehyɛe do wɔ afe 2005 mu. Wɔ afe 2005 mu no, ɔno nye Sikasɛm ho Ɔsoafo a ɔdzi kan wɔ Ghana abakɔsɛm mu a ɔdze ɔman no Budget Statement na Economic Policy kɔmaa Mbrahyɛbagua no ansa na saa sikasɛm afe no reba a na sikasɛm nhyehyɛeɛ a ɔfa sikasɛm afe 2006. Efi saa ber no, yei abɛyɛ adze ama hɔn a wɔdzi ntoatoado nyinara Sikasɛm ho Asoafo.

Abatow

Wɔ afe 2000 mu no, Baah-Wiredu dzii nkonyim wɔ amansan abatow no mu dɛ mmarahyɛbaguanyi ma Asante Akim North mansin a ɔwɔ Ashanti Mantɔw mu wɔ Ghana. Ɔdzii nkonyim wɔNew Patriotic Party no tekiti do. Na nye mansin no yɛ mbrahyɛbagua nkongua 31 a ɔwɔ nkongua 33 a Ɔman Ho Dɔ Kuw Fofor no dzii nkonyim wɔ saa abatow no mu maa Ashanti Mantɔw no fa. Ɔman Ho Dɔ Kuw Fofor no nyaa dodow no ara a nye nyinara yɛ mmarahyɛbagua nkongua 99 wɔ nkongua 200 mu. Wɔdze abatow 32,341 paw no wɔ abatow 45,227 a ɔdzi mu nyinara mu. Na eyi nye abatow a ɔfata a wɔtowee nyinara mu 72.3% yɛ pɛ. Wɔpaw no dɛ Kofi Opoku Manu a ofi Ɔman Demokrasi Bagua no mu, Kwabena Anafi a ofi Nhyiam Nyimpa Kuw no mu, James K. Baah a ofi Nyimpa Ɔman Nhyiam no mu, Emmanuel K. Adade a ofi Nsakrae Kuw Fofor no mu na Joseph B Frimpong a ofi United Ghana Kuw no mu na ɔwɔ hɔ. Eyinom nyaa abatow 11,852, 168, 151, 130 na 75 wɔ abatow a ɔfata a wɔtowee nyinara mu. Eyinom nye 26.5%, 0.4%, 0.3%, 0.3% na 0.2% yɛ pɛ wɔ abatow a ɔfata a wɔtowee nyinara mu.

Wɔpaw Baah-Wiredu dɛ mbrahyɛbaguanyi wɔ Asante Akim North mansin a ɔwɔ Ashanti Mantɔw mu wɔ Ghana wɔ afe 2004 Ghana amansan abatow no mu. Ɔdzii nkonyim wɔNew Patriotic Party no tekiti do. Na nye mansin no yɛ mbrahyɛbagua nkongua 36 a ɔwɔ nkongua 39 aNew Patriotic Party dzii nkonyim wɔ saa abatow no mu maa Ashanti Mantɔw no fa. Ɔman Ho Dɔ Kuw Fofor no nyaa dodow no ara a nye nyinara yɛ mbrahyɛbagua nkongua 128 wɔ nkongua 230 mu. Wɔdze abatow 40,497 paw no wɔ abatow 53,098 a ɔfata nyinara mu a ɔnye abatow a ɔfata nyinara mu 76.3% yɛ pɛ. Wɔpaw no dɛ Atobrah Isaac a ofi Peoples’ National Convention, Thomas Osei Bonsu Nkansah a ofi National Democratic Congress na Kwabena Anarfi a ofi Convention People’s Party no do. Eyinom nyaa 0.8%, 21.6% na 1.3% wɔ abatow a ɔfata a wɔtowee nyinara mu.

N'abrabɔ

Baah-Wiredu waree na na ɔwɔ mma nsia (6).

Owu

Wɔ 24 Fankwa 2008 mu no, Kwadwo Baah-Wiredu wui wɔ South Africa baabi a na ɔrenya ayaresa wɔ yare tsiawa bi ho.