Fankwa

Fankwa yɛ abosoom du-ebien a wɔwɔ afe mu no mu kor. Ɔno nye bosoom a otsia akron wɔ afe no mu. Fanokwa wɔ ndafua eduosa (30).

Mpanyimfo kyerɛ mu dɛ, ɔyɛ bosoom a ekuafo hɔn eduadzewa ba ara ma obu do ma wonnya bea mpo nnsie ne nyina. Dɛm ntsi wɔtaa gyaa bi gu haban mu ma hɔn a wɔyɛɛ akwadwer wɔ edwumayɛber no tum fa no kwa. Iyi ntsi na wɔfrɛɛ bosoom no Fanokwa no. Bio, osiandɛ edziban aba pii no ntsi, sɛ afarfo kɔ po a, wonya nam pii ma ɔyɛ a wɔyɛ "Yiyifa". Yiyifa no nye dɛ, nam no dɔɔso dodow wɔ eboa no mu, ntsi sɛ wɔba mpoano a, wɔdze eboa no ba anhwea mu ma nam biara a obiara obeyi no wɔ eboa no mu no, ɔfa (Ɔfa nam no kwa). Iyi ntsi na bosoom no nyaa ne dzin "Fankwa" (Fa-no-kwa) no.