Ghanamanba ahwer ne nkwa ber a ɔkɔɔ Mecca wɔ Saudi Arabia dɛ ber a orokɔsom

Dza ɔdze wu no bae no nhyɛ da nnda no ho edzi papa mbom 3news.com nhwehwɛmu no ama yeehu dɛ ɔyɛ ahokyer.

Zulfawu Ishaku edzi mfe eduosia-awɔtwe, ofri Kumasi a ɔwɔ Asante Mantɔw mu.

Owufo yi kitsa nserahwɛ Visa a Saudi Arabia mpanyimfo mma kwan dɛ wɔ mfa nkɔsom(pilgrimage).

Nyimpa a wɔtsetse dɛm no, ɔyɛ a wɔhyɛ hɔnho bowura Ghana nseraban mu afe biara kɔ Hajj nserahwɛ wɔ aban no pilgrims ahorow a woetua ho kaw no.

Afe yi, Ghana Hajj kuw no bɔɔ hɔn a hom ayɛ hɔn adwen dɛ wobotu kwan akɔ Saudi Arabia no dɛ mma wɔmmfa dɛm Besa no nnkɔ annyɛ dɛm a wɔbɛkyer hɔn na wɔdze hɔn ahyɛ mpanyimfo nsa.

Ndaawɔtwe no mu no, nyimpa a wɔtse dɛm ebiasa ho kae.

Fofie annto Ata, Zulfawu a w'efri mu no, ɔkɔɔ ahokyer pii mu ber a odur Saudi no ne yarba mu bɛyɛɛ dzen a ɔmaa ɔhwer ne nkwa yayaayaw.

Mpanyimfo a wɔwɔ Ghana Consulate no enya nkra ma wogu do reyɛ nhyehyɛe a wɔdze besie no.

Nhwɛdo

3news.com