Yawa Hansen-Quao

Yawa Hansen-Quao (wɔwoo no wɔ Accra) oyɛ Ghananyi a ɔhyehyɛɛ, asetsena mu edwumayɛfo ne ɔbaa ho ɔpɛfo. Ɔtse Ashesi Sukuupɔn Kɔlege bagua mu, ɔsom wɔ afotufo bagua mu, Mbaa Asoɛe a ohwɛ Wiase Nyinaa Akannifo do, Benedictine Sukuupɔn mu. Ɔno na ɔhyehyɛɛ "Leading Ladies Network (LLN)", na ɔyɛ "African Leadership Network" ne World Economic Forum’s Global Shapers Community no muni. Ɔyɛ tumi a osɛ dɛ wobu akontaa wɔ abeawa abofra no nhomasua ne yiyedzi mu.

Yawa Hansen-Quao yɛ Ghana ɔmanyɛfo bi a wɔhyɛɛ no ma oguan fii ɔman no mu wɔ 1980 mfe no mfiase mu wɔ amanbu mu basabasayɛ ber no mu no babaa panyin. Ɔtsena ne mbofraase dɛ oguanfo wɔ Togo na afei ɔtsena United States. Te dɛ Afrika aguanfo pii a wɔhyɛɛ hɔn ma woguan frii hɔn asasepɔn no do no, wɔtsetsee no wɔ amanbrɛ ebien ntam na odze ebien no nyinaa hyɛɛ ne mu. Na onyɛ ber a ɛyɛ mmerɛw mma Yawa, na ɔtsena ahotoso a onye dɛ wɔbɛsan aba fie ber a ahobambɔ wom kɛse no ase, nanso dɛm mbofra berem a na amanbrɛ ebien wom yi nwene onipa ko a oyɛ ndɛ. Ewiei koraa no ɔsan kɔɔ fie wɔ 1996 mu ber a na ɔyɛ ɔbabun. Kasa a wɔka ne amanbrɛ mu akwansidze ahorow no amma wantum nye mberantse ne mbaa afofor a wɔtsetsee hɔn wɔ Afrika no mbɔ. Nkɔso hokwan ahorow a wɔabara a Afrikafo mbaa betumi anya no daa edzi ntsɛmntsɛm maa Yawa na ber a n’ahwɛfo no tew ne ho na abusua no hwee sikasɛm mu mber a emu yɛ dzen mu akyi no, na osɛ dɛ ɔhyɛ ebusua no dzen na ɔhwɛ n’agya a na ɔyare kokoram no.

Wɔ dɛm ahokyer yi nyinara ekyir no na ɔwɔ nkitahodzi a oboa wɔ n’egya, n’adamfo paa  ne fotufo a ofri U.S. Mbofra Nkɔdo nhyehyɛe no mu. Dɛm ɔfotufo yi huu tumi pii wɔ ne mu araa ma otuaa Yawa sukuu kaw wɔ ebusua no sikasɛm mu ahokyer mu tse dɛ obɛyɛ a obetumi akɔ s

do akɔ sukuu. Na sukuu yɛ ɔkwan a Yawa akannifo tumi nye adebɔ ahoɔden fi edzi. Wodze dwumadzi ahorow bi a odzii wɔ sukuufo enyido mu no tuaa ne ho akokwaw ne n’asɛyɛde do ka.

Ankorankoro asetsena nye nhomasua

Hansen-Quao bɛkaa Ashesi Suapɔn ho a na ɔwɔ enyidado dɛ obɛyɛ atsenae a ɔbɛtumi abɛyɛ Ghana nsakraeɛ no fã. Odenam ndwuma pii a ɔyɛe, a ogyina sika fam mboa nye nnamfo ayamuyie do no, ɔhyɛn mu na odze ne ho maa Ashesi. Ber a na ɔwɔ hɔ no ɔhyɛɛ Ashesi Business Club nye "Women of Ashesi " asuafo akuw ase. Ɔsan nso bɛyɛɛ HIV/AIDS atipɛnfo kyerɛkyerɛfo na ewiee koraa no wɔpaw no wɔ afe 2006 mu dɛ ɔbaa a odzi kan a ɔbɛyɛɛ kɔlegefo aban titenanyi wɔ Ghana.

Ber a na ɔwɔ sukuu mu no osii gyinae dɛ obedzi asɛm bi a ohaw Afrika sukuupɔn pii, edzifudepɛ ahorow nyinaa ho dwuma. Wɔ nhomasua gyinabea nyinaa mu wɔ Ghana no, na nsisi, adanmudze ne nna ho aguadzi de nya abasobɔdze ebu do na ɔhwehwɛɛ dɛ odze nyidzi mbra bi bɛba ne sukuu mu. Odenam nyidzi ho mbra a ogye toom do no, Ashesi a Hansen-Quao dzi n’enyim no dze gyinapɛn no sii hɔ wɔ nhomasua nhyehyɛe a otrɛw no mu. Ɔsan yɛɛ MA wɔ Bɔbeasu, Asomdwee nye Ahobanbɔ mu wɔ Kofi Annan Amanaman Ntam Asomdwee Ntsetsee Asoeɛ ne Honors abodzin krataa wɔ edwumayɛ ne Nneɛma Fofor Nkɔsoɔ mu wɔ Amerika Suapɔn a owɔ Rome. Ɔsan nso dzii adansedzi krataa wɔ Radio ne TV do nkyerɛkyerɛmu mu wɔ Ghana Institute of Journalism, na ɔnyaa Certified Corporate Etiquette na International Protocol Consultant wɔ Protocol School of Washington, USA.

Ndwuma

Ber a ber dur dɛ Hansen-Quao fi Ashesi no, na ɔpɛ dɛ ɔbɔ mpɔtam bi a wɔtete akannifo, a otse dɛ ne Ashesi osuahu no. Gyidzi a no mu yɛ dzen a ɔwɔ wɔ Afrika mbaa akannifo a owɔ hɔn mu no maa ɔhyehyɛɛ Leading Ladies Network (LLN), a oyɛ ndzɛmba ne ebusuabɔ nnyina do ma mmabaa ber a wɔredzi akannifo dwumadzi wɔ aban, ɔmanfo, ndwumakuw ahyehyɛdeɛ ne afoforɔ mu. Onam ne Mbaa Akannifoɔ Nkɔsoɔ, Afotuo ne Tumidzi Ntoatoado so no, LLN tsetse mbaa ma wɔyɛ asetena mu nsakraeɛ nnwinnadeɛ, boa hɔn wɔ mbeambea nyinara na osiesie hɔn dɛ wɔbɛyɛ nkoa akannifoɔ wɔ hɔn ndwuma a wɔapaw mu.  Dɛm mbaa yi yɛ ndwuma a obɛma hɔn man etu mpɔn na wɔasiesie hɔn ho dɛ wɔbɛfa akannifoɔ dwumadzi foforɔ.

Dɛ yɛdze n’edwuma a ɔyɛ daa dɛ obi a ɔhyehyɛɛ edwuma no to nkyɛn a, Hansen-Quao yɛ Ashesi Sukuupɔn Kɔlege no akwankyerɛfo bagua no muni, wɔ Mbaa Asoɛe a ohwɛ Wiase Nyinaa Akannifo do, Benedictine Sukuupɔn no afotufo bagua no mu, ɔyɛ Afrika Akannifo Nkitahodzi ne Wiase no muni Sikasɛm Nhyiam no Wiase Nyinaa Ndɛmba a Wɔyɛ no Kuw. Ɔsan nso yɛ akannifoɔ fotufoɔ ma UN Mbaa a oboa ma wɔyɛ akannifoɔ adzesua nhyehyɛeɛ a obɛma mbaa akannifoɔ tumi akɔ enyim wɔ Afrika Apueeɛ nye Anafoɔ fam.

Abasobɔdze nye dza woetum ayɛ

Wɔ afe 2016 mu no, wɔmaa no afe 2016 Eisenhower Fellows wɔ Eisenhower Fellowship Africa Program a odzi kan no ho.

Wɔ March 2021 mu no, wodze Hansen-Quao too gua dɛ Vlisco Ghana Ɔmanpanyin ama afe no. Wɔpaw no osiandɛ dwuma a odzii wɔ mbea akannifo ne afoforo a wɔwɔ Afrika nkyerɛkyerɛ mu nti.