Wisdom Gidisu

Wisdom Gidisu (wɔwoo no 5 Esusow Aketseaba 1967) yɛ Ghana amanyɛnyi a ɔyɛ mbrahyɛbaguanyi ma Krachi East Ambatow wɔ Oti Mantɔw mu wɔ Ghana.

Wisdom Gidisu

human

Bɔbea	male
Date of birth	5 Esusow Aketseaba 1967
Bea a wɔwoo no	Adidome
Occupation	politician, businessperson
Position held	Member of the 6th Parliament of the 4th Republic of Ghana, Member of the 5th Parliament of the 4th Republic of Ghana, Member of the 4th Parliament of the 4th Republic of Ghana, Member of the 8th Parliament of the 4th Republic of Ghana
Educated at	John F. Kennedy School of Government
Member of political party	National Democratic Congress
Religion or worldview	Christianity
Location	Volta Region

Ɔbra Ahyɛase na Nwomasua

Wɔwoo Gidisu wɔ bosoom Esusow Aketseaba da a ɔtɔ do enum (5) afe 1967 wɔ kurow bi a wɔfrɛ no Adidome wɔ Volta Mantɔw mu wɔ Ghana. Gidisu wiee Harvard Esuapɔn John F. Kennedy Aban Sukuu a na ɔwɔ BSc abɔdzin krataa wɔ Ɔman Edwumayɛ mu (BSc in Public Administration). Afei ɔsan kɔɔ saa asoɛe kor no ara mu kɔnyaa nye abɔdzin krataa wɔ Aban na Akannyifo mu (master's degree in Governance and Leadership). Ɔsan nso nyaa nye Executive MBA wɔ GIMPA wɔ afe 2012. Na ɔwɔ nye adansedzi krataa wɔ Edwumayɛfo Nwomasua, Nsakrae a Wɔhwɛ do wɔ Wiadze a Ɔyɛ Nnam mu (Executive Education, Managing Change in Dynamic World) mu wɔ Harvard Kennedy wɔ USA. Na ɔwɔ adansedzi krataa nso wɔ Akwahosan Nhyehyɛe Ho Dwumadzi a ɔkɔ Enyim (Advance Health System Management mu wɔ Israel).

Edwuma

Ɔyɛ Top-in-Town edwumayɛbea a ɔwɔ Dambai no kwankyerɛfo (managing director).

Amanyɛsɛm mu Edwuma

Gidisu hyɛɛ n’amanyɛsɛm edwuma ase dɛ mbrahyɛbaguanyi wɔ Sanda 2005 mu ber a odzii nkonyim wɔ afe 2004 amansan ambatow mu a na ɔwɔ National Democratic Congress (NDC) tekiti. Na ɔgyina mprɛn ebiasa (3) wɔ nye aber do. Ɔhweer n’akongua maa Micheal Gyato a ɔyɛ New Patriotic Party wɔ afe 2016 Ghana Amansan Ambatow no mu na nna ɔpɛ dɛ ɔsan ba bio wɔ afe 2020 mu. Na ɔyɛ amannyifo na ɔsan yɛ Eguatsenanyi Abadziakyir wɔ Boayikuw a ɔhwɛ Hokwan, Akwahosan na Fie do.

N'abrabɔ

Wawar na ɔwɔ mba baawɔtwe. Ɔyɛ Kristonyi (Evangelical Presbyteriannyi).

Adɔeyɛ

Ɔyɛɛ adzesuadan ahorow (classroom blocks) na ɔmaa nsu ho nhyehyɛe na gua ahorow nso maa mpɔtsam hɔfo a wɔwɔ nye ambatow mpasua mu. Ɔmaa enyinam ahoɔdzen a wɔdze yɛ nkuraase nso yɛɛ mmerɛw maa nkuraa bi. Ɔsan nso kyekyɛɛ atoko efiri (corn mills) dze som mpɔtsam eduowɔtwe (80) ber a na ɔyɛ mbrahyɛbaguanyi wɔ nye mpɔtsam hɔ.