Veronica Bekoe

Veronica Bekoe yɛ nyimdzefo wɔ abɔdzenyansapɛ mu. Ɔyɛ nyia a ɔdze "Veronica Bucket" bɔbɔɔ adze. Veronica Bucket yɛ bokitsi a wɔdze hohor amma nyarba nyarba annsan.

Veronica Bekoe kɔr Aburi Girls SHS. Owiee no, ɔkɔr nsɔwdo skuul wɔ Kumasi Esuapɔn a wɔfrɛ no Kwame Nkrumah University of Science and Technology. Hɔ na onyaa abɔdzin kɛse wɔ abɔdzenyansapɛ mu wɔ afe 1968 mu kɔdu 1972.

Ɔnye Ghana n'apɔwmudzen kuw baatan( Ghana Health Service) yɛɛ edwuma fi afe 1972 mu dze kodu 2008. Ɔnye asoe a wɔwhɛ nyimpa dɔm apɔw mu dzen mu yɛɛ eduma. Afei so, ɔyɛɛ edwuma wɔ ɔman Ghana ne babaso yarba na mpamu yarba a ɔkeka ho asoe. Ɔwɔ suahu pii wɔ nkorbata a wɔhwehwɛ mogya na myimpadua mu yarba wɔ asopitsi.

Dza nkorɔfo dze nyim Veronica Bekoe nye dɛ woaboa ma yeako etsia nyarba nyarba bi tse dɛ cholera. Wɔ afe 2002 mu no, nyimpa dodoow nara dze Veronica Bucket dzii dwuma wɔ aber yarba a wɔfrɛ no COVID bae no. Dɛm bokitsi yi yɛɛ mboa ara yie.

Siantsir a ɔnam do ma ɔdze yɛɛ dɛm bucket yi nye dɛ nna asopitsi a ɔyɛ edwuma wɔ mu no, edwumayɛfo no nyinara dze hɔn nsa to kyɛnsee kor mu hohor hɔn nsa wɔ aber a wɔapon eduma no. Ohun dɛ iyi dze ɔhaw bebiree bɛbrɛ hɔn. Iyi ntsi ɔdze paep hyɛɛ bokitsi ano ama nsu orubu tsen aafa mu.

Owurayer Rebecca Akuffo Ado maa no abɔsobɔdze wɔ ne dwumasun a woedzi aboa ɔman Ghana wɔ apɔwmudzen nhehyɛɛ mu.