Samuel Sallas Mensah

Wɔwoo Samuel Sallas Mensah wɔ Ayɛwoho 7, 1954 mu. Ɔyɛ Ghana ɔmanyɛnyi na mbrahyɛbaguanyi dada ma Upper West Akim ambatow mpasua a ɔwɔ Epuei Mantɔw mu. Ɔyɛ obi a ɔhwehwɛ sika kyerɛwtohɔ mu (Accountant) na eguamutsenanyi dada ma aban nkontaabu beesuomfo na afei krakye somfo dada ma public procurement authority. Mr Mensah na seisei ɔhwɛ ɔman no sikasɛm do ma National Democratic Congress na mbrahyɛbaguanyi a origyina ama afe 2020 Ghana ambatow kɛse a ɔreba no.

Abrabɔ ahyɛase na nwomasua

Wɔwoo Samuel Sallas Mensah wɔ Ayɛwoho 7, 1954 wɔ Upper West Akim a ɔwɔ Epuei Mantɔw mu wɔ Ghana. Ɔkɔr skuul wɔ Pennsylvania Suapɔn na onyaa abodzin krataa a wɔfrɛ no Bachelor of Arts wɔ Business administration mu. Nna ɔyɛ kuwba wɔ American Institute of Certified Public Accountants na Institute of Chartered Accountants a ɔwɔ Ghana wɔ afe 1999 mu. Ɔsan kosuaa adze wɔ Ghana Institute of Taxation wɔ afe 1986 mu.

Amanyɛsɛm

Wodzii kan paaw Mensah kɔr mbrahyɛbagua mu maa Upper West Akim ambatow mpasua a ɔwɔ Epuei Mantɔw mu wɔ Ghana wɔ afe 1992 Ghana ambatow kɛse no mu dze nam National Democratic Congress do. Afe 1996 mu no, onyaa amba 16, 684 fii amba dodow 28, 395 a egina hɔ ma 51.50% tsiaa Asamoah Evans Gilbertson a onyaa amba 10,634, Joseph Cobbina Adika a onyaa amba 497, Lawrence Boateng a onyaa amba 384 na Isaac Annoh a onyaa amba 196. Afe 2000 mu no, Ɔdze amba 12,150 fi amba dodow 22,503 a egyina hɔ ma 54.00% dzii nkonyim tsiaa n'akansifo Raymond Kwame Akuffour a onyaa amba 8,983, Alex Addai-Mensah a onyaa amba 924, Joseph Cobbina Adika a onyaa amba 309 na Ayisi Gyeke Opare a onyaa amba 137. Ɔsanee dze amba 14, 064 fi amba dodow 28, 947 mu a egyina hɔ ma 48.60% dzii nkonyim wɔ afe 2004 mu tsiaa Nana Yaw Asare Koranteng NPP kuwba a onyaa amba 13,819 a egyina hɔ ma 47.70%, John Martey CPP kuwba a onyaa amba 765 a egyina hɔ ma 2.60%, Nana Asabir Nkum EGLE kuwba a onyaa amba 165 a egyina hɔ ma 0.60%, Agnes Akeley Adorshie PNC kuwba a onyaa amba 134 a egyina hɔ ma 0.50%, Salifu Alaru IND kuwba na Raymond Kwame Akuffo IND kuwba hɔn nyina ennya amba biara. Odzii nkogu wɔ afe 2008 Ghana ambatow kɛse no mu ma Joseph Sam Amankwanor bɛhyɛɛ n'ananmu.

Edwuma

N'edwuma a ɔyɛ nye chartered accountant na mbrahyɛbaguanyi dada ma Upper West Akim ambatow mpasua a ɔwɔ Epuei Mantɔw mu. Ɔsanee yɛɛ edwuma dɛ tow ho enyimdzefo.

N'abrabɔ mu nsɛm

Mensah yɛ Christiannyi.