Sampson Kwaku Boafo

Sampson Kwaku Boafo Ghana amanyɛnyi na New Patriotic Party kuwba. Nna ɔyɛ aban mu guamutsenanyi wɔ Asante mantɔw mu ma Subin mpasuar do wɔ aban a ɔtɔ do anan wɔ 4th Republic wɔ ɔman Ghana mu. Dza ɔwɔ mu; Nhwɛdo

N'edwuma

Boafo yɛ Ghana amanyɛnyi a ɔdze asɛndzi kaa ho na afei ɔnye nye obi a ɔdze City Temple International bɔbɔɔ adze. Ɔsoom dɛ mbrahyɛbaguafie kuwba wɔ mpasuar ebiasa do mpɛn dodow ebiasa.

Amanyɛsɛm ndwuma

Boafo dzii kan soom dɛ mbrahyɛbaguanyi wɔ Asante Akyem wɔ afe 1979 mu wɔ 3rd Republic, a na Oguamutsenanyi a ɔtse do nye Dr. Hilla Limann a oenya ne beebi kɔr. N'amanyɛsɛm adaaso do tsewee wɔ ber a Jerry John Rawlings nye nyimpakuw bi bɔɔ adwempɔw wɔ afe 1981 ne bosoom Mumu mu ne da a ɔtɔ do eduasa-biako dɛ wobotu no adze do. Owura Boafo ayɛdzeayɛdze saan baa mbrahyɛbaguafie wɔ afe 1997 mu bɛhyɛɛ 4th Republic ase bɔsomee. Ɔsoom sompa ahorow wɔ mbrahyɛbaguafie kuw a na Defence, Interior na Judiciary ka ho. Nna Boafo yɛ Aban mu okyitaafo wɔ Kufour aban ase dze ma New Patriotic Party kuw no wɔ Subin mbrahyɛbaguafie mpasuardo wɔ Asante mantɔw mu. Wɔwoo no wɔ mfe ɔhaeduonu-biako a abɛsen kɔ wɔ Asante Mantɔw mu. Nna ɔyɛ Aban Okyitaafo ma Ahendzi na Amambra.

Abatow

Wodzii kan yii Boafo wɔ mbrahyɛbaguafie wɔ New Patriotic Party amambu ase maa Subin Mpasuardo wɔ Asante Mantɔw mu wɔ Ghana, ber a nna 1996 Ghana abatow no rokɔ do. Onyaa mba 38,412 fii mba 53,344 ne nyinara mu a nna ogyina hɔ ma 55.70% dze tsiaa Sarkodie Joseph j A. Tuffour a nna ɔyɛ NDC kuwba a no so nyaa mba 11,280 a ogyina hɔ ma 16.40%, Asamoah Comfort a ɔyɛ IND kuwba nyaa mba 1,837 a ogyina hɔ ma 2.70% na Hussien Aminu Ali, PNC kuwba a onyaa mba 1,815 a nna ogyina hɔ ma 2.60%. Wɔsaan yii no kɔr Mbrahyɛbaguafie wɔ afe 2000 abatow no mu. Ɔdze mba 44,907 dzii kunyim wɔ ber a nna mba dodow no nyinara yɛ 56,898 a nna ogyina hɔ ma 78.90% dze tsiaa Kwame Adu Bofour, NDC kuwba a onyaa mba 9.077 a ogyina hɔ ma 16.00%, Huseni Aminu Ali a ɔyɛ PNC kuwba a onyaa mba 1,541 na Serwaa Kyeretwie a ɔyɛ CPP kuwba no so nyaa mba 1,373.

Woyii Boafo dɛ mbrahyɛbaguafie kuwba maa Subin mpasuado wɔ Asante Mantɔw mu a ɔwɔ ɔman Ghana wɔ afe 2004 mu wɔ Ghana abatow ber. Odzii kunyim wɔ New Patriotic Party aban ase. Mbrahyɛbaguafie ngua eduasa-akorɔn no mu no, nna ne mpasua ka mbrahyɛbaguafie ngua eduasa-esia no ho a New Patriotic Party kuw dzii enyim wɔ dɛm abatow a ɔkɔr do wɔ Asante Mantɔw mu. New Patriotic Party kuw no nkunyimdzi no gyinaa mbrahyɛbaguafie ngua no dodow a wotumii kantann no yɛ ɔha-eduonu-awɔtwe fii mbrahyɛbaguafie ngua aha-ebien-eduasa. Wɔsaan mu yii wɔ mbrahyɛbaguafie wɔ ne mba 42,712 fir mba 61,133 no mu. Iyi gyina hɔ ma 69.9% fi mba a wɔtowee no mu. Aban saan Huseni Aminu Ali a ɔka People's National Convention kuw no ho, Abraham Kwesi Mensah a ɔwɔ National Democratic Congress no mu, Kwame Appiah Boateng a ɔwɔ Convention People's Party no mu na Charles Hagan Kofi a ɔyɛ Ankonam kuwba no ho yii Boafo.Hɔn mba no a wonyaa no yɛ 849, 11,098, 1,611 and 4,863 fii mba a wɔtowee no mu. Nna iyi gyina hɔ ma 1.4%, 18.2%, 2.6% na 8% dɛ mbrɛ hɔn dzin no tse wɔ mba a wɔtowee no nyinara mu.

N'abrabɔ

Boafo Nyamesomnyi.

Nhwɛdo

"S.K. Boafo pulls out". www.ghanaweb.com. 7 March 2008. Retrieved 3 August 2020. "List of MPs elected in the 2004 Ghanaian parliamentary election"

"Wontumi is an exceptional chairman – Sampson Kwaku Boafo". www.ghanaweb.com. 1 Decem