Sally Torpey

Sally Esinam Torpey yɛ Ghana Adzepamnyi na oguadzinyi. Ɔsan yɛ Sikakorafo ma Nkran Association of Ghana Industries (AGI) na Ebibirmu Ambassador ma Fashion Business Association of America. Oedzi gua wɔ wiadze afanaa ahorow a United States, United Kingdom na Japan ka ho. Ɔyɛ KYEN (Kufuor Young Entrepreneurs) kuwba. Sallet Fashion House Ghana yɛ nedze; the Sallet Foundation; na brands Oheema, The Travelers Custom Made Clothing (TCMC), na JAK Gentle Giant Collection. Ɔyɛ amanadze kasamafo a n'enyi gye wɔ adzepam, edwuma, mbasiafo kasamafo na noara no mpontu. Ɔaba guabɔ na dawurbɔ krataa ahorow bi mu tse dɛ Afrikan Post, Washington DC dawurbɔ krataa, Ghana web, Caribbean magazines, The CCWC na Creative Magazine wɔ Miami.

Sallet Fashion House

Afe 2021 na ɔhyɛɛ Sallet Fashion House na Sallet Foundation ase. Nna wɔdze rikenyan art production industry no wɔ hɔn ntar nyɛe ho. Guadzi hwɛfokuw no na wɔboa Adzepam fie na fɛkuw no wɔ ntarhyɛ ntsetsee na bea a wɔyɛ mu dɛ mbrɛ ɔbɔboa hɔn a wɔnyɛ edwuma. Wɔreyɛ biribi aboa kuw ahorow na adzepamfo no na ɔyɛ Sallet Fashion House ne dadwen. Travelers Custom Made Clothing (TCMC) ka ne ndzɛmba a ɔyɛe no ho. TCMC yɛ custom made ntar na ɔhwɛ dɛ ɔbɛyɛ krado ama akwantufo a wobedzi ndaansa a hɔn nan si kwan do. Ɔayɛ yikyerɛ wɔ prama pii do wɔ Ghana na amanadze tse dɛ African Sustainable Eco-Friendly show (Ghana) na Miami na New York fashion weeks.

Sympathy International

Sympathy International a nna wɔfrɛ no Millennium Ladies Club, bɔbɔɔ adze afe 2003 a nna Sally yɛ suanyi wɔ University Practice High School wɔ Oguaa. Ne dadwen kor nye dɛ ɔbɛtsetse mbasiamba wɔwɔ nsɔwdo skuul mu ma wɔabɛyɛ mpanyin pa. Ne botae tsitsir nye dɛ ɔbɔhwɛ nsɛnsɛm a ɔfata ho, nkanka mbasiafo a wɔwɔ nkurow nketsenketse mu wɔ Finimfin Mantɔw mu wɔ Ghana. N'enyisoadzehun nye dɛ ɔbɛma hɔn asetsena pa a ɔbɛma wɔabɔ abrabɔ korgyen a wobotum edzi yar do, ohia na wɔnnkam hɔn biribiara. Adwempɔw a ɔwɔ ma mbasiamba nye asetsena apɔwmudzen nwomasua, na daakye nhyehyɛe. Apɔwmudzen edwumayɛfo, edwuma afotufo na Ghana AIDS Commission boa no.