Portia Boakye

Portia Boakye (wɔwoo no afe Ebɔbira 17,1989) yɛ Ghana amanadze bɔɔlbɔnyi a ɔbɔ kɔ enyim/akoban ma Djurgården wɔ Sweden. Wohu no dɛ ɔyɛ nyimpa a otum bɔ benkum mapa wɔ Ebibirmu asaasepɔn nyinara do.

Kuw edwuma

Östersunds DFF 2016

Afe 2016 Esusuow Aketseaba mu no, ɔdze daba too krataa do dɛ ɔnye Östersunds DFF bɛyɛ edwuma na iyi na ɔmaa ɔbɛyɛɛ n'akansi a odzi kan Östersunds DFF dze tsia AIK a ɔbɛyɛɛ ananmusinyi wɔ sema eduanan-esia no mu na ɔhyɛɛ wɔ dɛm akansi no mu dze tsia AIK wɔ sema a otsia eduosia-esuon no mu.

Afe 2016 Dzifuu bosoom mu no, Portia san hyɛɛ bio wɔ ɔfa a otsia ebien no do wɔ n Elitettan akansi dze tsia AIK wɔ Stockholm.

Bio, ɔtoaa do gyee dzin maa Östersunds DFF dze tsia Sunnanå SK, ɔbaa mu dɛ ananmusinyi wɔ sema eduonum-enum no do ber a wɔhyɛɛ Östersunds DFF, ɔbɛhyɛɛ ma wɔyɛɛ pɛr wɔ sema eduosia no mu, na ɔkɔr do hyɛɛ dza otsia ebien wɔ akansi no sema otsia eduosuon no do a ɔmaa Östersunds DFF bedzii kan a ɔboaa Östersunds DFF ma wodzii kunyim wɔ akansi no mu a nna ɔyɛ 3–1 dze tsia Sunnana, akansi no ekyir no wɔmaa no Basia a ɔbɔɔ bɔɔl paa (Woman of the match) abawdobɔdze no. Ɔdze ne dwumadzi wɔ Östersunds DFF baa ewiei a ɔhyɛɛ esuon (league matches )na ebien so wɔ kɔɔpoow akansi mu.

Trabzon İdmanocağı

Afe 2017 mu no, ɔdze daba too krataa do dɛ ɔnye Trabzon İdmanocağı bɛyɛ edwuma ama oesi akan wɔ Turkish Mbasiafo Bɔɔlbɔ a odzi kan no mu.

Amanadze edwumayɛ.

Ghana

Afe 2010 Obiradzi bosoom mu no, Boakye hyɛɛ wɔ Ghana 3–0 nkunyimdzi tsia Senegal wɔ Accra Sports Stadium. Nkunyim yi maa Ghana dzibew wɔ afe2010 African Women's Championship ewiei no mu.

Nna Boakye ka Ɔman kuw a wosii akan wɔ afe 2014 Ebibirmu Mbasiafo Akansi tamsi no mu na afe 2014 Ebibirmu Mbasiafo akansi (2014 African Women's Championship), no mu a ɔbɔɔ kuw no akansi esuon no nyinara bi. Ɔbɔɔ anyɛnkoyɛ akansi dze tsia South Africa wɔ afe 2014 Esusuow Aketseaba mu na ɔhyɛɛ nkunyimdzi goal no. Ɔsanso dze sema ebiasa hyɛɛ nkunyimdzi goal wɔ afe 2015 All-Africa Games final ansaana sema eduokorɔn no roso, a ɔmaa Ghana nyaa hɔn sika kɔkɔɔ abawdobɔdze a odzi kan wɔ akansi no mu..

Afe 2015 Mumu bosoom mu no wɔpaaw no dɛ Ebibirmu Mbasiafo bɔɔlbɔnyi wɔ dɛm afe no mu, ka Paris Saint-Germain akoban Ngozi Ebere, Gabrielle Onguene, Gaelle Enganamouit. Ɔhweer n'abawdobɔdze yi maa Gaelle Enganamouit a ɔwɔ FC Rosengård.

Afe 2016 Obiradzi bosoom mu no, wɔtoow no do aba dɛ Sport Writers Association of Ghana dɛ Basia a ɔbɔ bɔɔl mapa dɛm afe no mu.

Amanadze nhyɛe

No.	Date	Venue	Opponent	Score	Result	Competition
1.	12 April 2015	Rufaro Stadium, Harare, Zimbabwe	Zimbabwe	1–0	2–2	2015 African Games qualification
2.	23 May 2015	Petro Sport Stadium, Cairo, Egypt	Egypt	1–0	1–1	2015 CAF Women's Olympic Qualifying Tournament
3.	31 May 2015	Accra Sports Stadium, Accra, Ghana	Egypt	1–0	3–0
4.	1 August 2015		Cameroon	2–1	2–2
5.	18 September 2015	Stade Alphonse Massemba-Débat, Brazzaville, Congo	Cameroon	1–0	1–0	2015 African Games
6.	12 April 2016	Accra Sports Stadium, Accra, Ghana	Tunisia	2–0	4–0	2016 Women's Africa Cup of Nations qualification
7.	20 November 2016	Stade Municipal de Limbe, Limbe, Cameroon	Kenya	3–1	3–1	2016 Women's Africa Cup of Nations
8.	16 February 2018	Stade Robert Champroux, Abidjan, Ivory Coast	Niger	1–0	9–0	2018 WAFU Zone B Women's Cup
9.				6–0
10.	18 February 2018	Parc des sports de Treichville, Abidjan, Ivory Coast	Burkina Faso	1–?	4–1
11.				4–?
12.	23 November 2018	Accra Sports Stadium, Accra, Ghana	Cameroon	1–0	1–1	2018 Women's Africa Cup of Nations

Enyimnyamhyɛ

Amanadze

Ghana

• All African Games Gold Medal: 2015
• Africa Women Cup of Nations Bronze Medal: 2016
• WAFU Women's Cup Gold Medal and top scorer: 2018