Patricia Mawuli Nyekodzi

Patricia Mawuli Nyekodzi (wɔwoo no afe 1988) ɔyɛ Ghananyi basia a odzii kan nyaa tumi krataa a wɔdze ka wimu hyɛn ,wimu hyɛn mu nhwehwɛmu, ɔkyerɛkyerɛfo na ono nko ara basia a ɔfata dɛ ɔyɛ Rotax Wimhyɛn Engines.[1][2]

Abrabɔ Ahyɛse

Mawuli nyinii wɔ nɔtse dan bi mu wɔ Mepe, nkuraase ekuraa ketseketse bi a ɔwɔ Volta Mantam mu wɔ Ghana. Onyaa wimhyɛn ho dɔ wɔ mber na ɔhwɛ wimhyɛn a ɔretwamu wɔ soro no.[3]

Ber Mawuli dzii mfe 19 no, ɔkɔɔ Kpong Wimhyɛn Gyinabea kɔhwehwɛɛ edwuma nanso wimhyɛn gyinabea no mfiridwuma ho kwankyerɛfo, Jonathan Porter powee amma no ho kwan. Ɔfa no ma ɔyɛɛ adɔw edwuma wɔ sukuu no ho na ɔtwetwee ndua a ogu wimhyɛn kwan no do, na ɔyɛɛ dɛm som yi wɔ aber a w'anngye akatua biara. Mawuli dze ne nyimdzee twaa ndua no wɔ akwan soronko mu, na ɔkyerɛɛ kwan a otum yɛ nhwehwɛmu dze hu akwan a wɔdze tu ndua no. Porter huu n'ahokeka kor n'ara wɔ ber a ɔka kyerɛɛ no dɛɛ ɔboa no ma onhyehyɛ wimhyɛn no. Mawuli tumi sua adze ɔhardo, osuaa ndzɛmba a wɔdze yɛ wimhyɛn no yie no maa Porter maa no edwuma a wotua ho ka dɛ n’esuafo na ɔkyerɛkyerɛɛ no wimhyɛn.[3][4][5]

Ndwuma

Mawuli bɛyɛɛ Ghananyi basia a odzii kan bɛyɛɛ amanfo wimhyɛnkafo wɔ afe 2009. Ɔsan nso yɛ bibinyi a odzi kan a wɔ maa no adansedzi krataa dɛ ɔnyɛ Rotax Wimhyɛn Engine, na basia a odzi kan wɔ Afrika a wɔ maa no adansedzi krataa dɛ ɔnyɛ Rotax engine na ɔnhwɛ ne ho edwuma.[6]

Porter na Mawuli hyehyɛɛ wimhyɛn sukuu, Aviation and Technology Academy Ghana, a wɔfrɛ no AvTech, wɔ afe 2010 n'ahyɛse a ɔtsetsee nkatasia anan afe biara. Wɔtsetse nkatasia no ma wɔyɛ na wɔahwɛ wimhyɛn a no mu yɛ har yie , wimhyɛn ho akwankyerɛ, wimhyɛn gyinabea dwumadzi, robɔt mfiridwuma na kɔmputa. Ɔdze n’ankasa akatua hyɛ sukuu no mu, ɔdze n’enyiwa si nkatasia a wofri nkuraase a wonnyi nwomasua hokwan na w'akyerɛkyerɛ hɔn.[4][7]

Mawuli bɛyɛɛ ɔkyerɛkyerɛfoɔ wɔ Kpong Airfield na ɔkyerɛɛ adze wɔ AvTech.[3] Wɔ afe 2013 mu no, wɔ yii no dɛɛ edwumayɛfo panyin wɔ Kpong Airfield dwumadzi mu.[5] Mawuli yɛ wimhyɛnkafo bi a ɔdze ndur nam,nhyehyɛɛ a ɔnye Aviation Academy yɛ edwuma wɔnye adatserfo bomu yɛ, wɔdze ndur na apɔwmudzen nhyehyɛɛ yɛ edwuma, na wɔma apɔwmudzen ho nkyerɛkyerɛ ma nyimpa a wɔwɔ nkuraase wɔ Ghana nyinara. Wɔ aber be mu no ɔtow nwomasua nkrataa guu famu wɔ nkuraase bi.[3]

wɔ afe 2015 mu no, Patricia nye ne kun tuu kɔɔ Wales na wɔbomu hyehyɛɛ wimhyɛn mfiridwuma wɔ Haverfordwest Wimhyɛn Gyinabea.

Wɔbɔɔ Patricia n'abaw do nansei wɔ OBE.

Nhwɛdo

• ^ "Patricia Mawuli Nyekodzi - Ghana's first female pilot". www.ghanaweb.com. Retrieved 9 April2016.

• ^ "In pictures: Ghana's flying women". BBC News. 16 May 2012. Retrieved 9 April 2016.

• ^ Jump up to:a b c d "Faces of Africa 20120604 Female pilot". Beijing, China: China Central Television. pp. 1–6. Archived from the original on 20 April 2016. Retrieved 9 April 2016.

• ^ Jump up to:a b Petitt, Karlene (December 2011). "She Walked out of the African bush and discovered the Sky"(PDF). 99 News. Oklahoma City, Oklahoma: Ninety-Nines: International Organization of Women Pilots. 38 (4): 8–9. Archived from the original(PDF) on 19 December 2016. Retrieved 19 December 2016.

• ^ Jump up to:a b Porter, Jonathan (August 2015). "A Ghanaian Woman's Quest to Work---and Fly". Washington, D. C.: Smithsonian Enterprises. Air & Space/Smithsonian. Retrieved 19 December2016.

• ^ Carrington, Daisy; Goulding, Nicola (8 October 2014). "Women with wings: Female pilots making history". Atlanta, Georgia: CNN. Archived from the original on 3 April 2015. Retrieved 19 December 2016.

• ^ Shryock, Ricci (May 14, 2012). "Ghana's Female Pilots Are Ready for Takeoff". Washington, D.C.: Voice of America. Archived from the original on 19 December 2016. Retrieved 19 December 2016.