Oku-noto no Aenokoto

Oku-noto no Aenokoto (奥能登のあえのこと) yɛ amambra a ekuafo yɛ dze ma hɔn ekyirmba wɔ Noto Peninsula, wɔ Ishikawa Prefecture, Japan. Ae yɛ Japanfo hɔn tsetse kasafua a wɔdze ma edziban a wɔyɛ dze gye hɔn enyi (banquet); dɛm ntsi, Aenokoto kyerɛ dɛ ɔyɛ edziban a wɔyɛ dze gye hɔn enyi wɔ amambra kwan do (banquet ritual). Dɛm dwumadzi yi yɛ soronko wɔ Asia amambra no mu, osiandɛ panyin a ɔwɔ fie no to nsa frɛ bosom a ɔwɔ bea a wodua emo (paddy field) dɛ ɔmbra fie hɔ. Nkorɔfo yɛ hɔnho dɛ sunsum a wonnhun no no wɔ fie hɔ. Wɔwɔ gyedzi bi dɛ bosom no a ɔyɛ ɔhɔho wɔ hɔ no yɛ ewuakɔr panyin wɔ ebusua no mu. Mumu bosoom mu no, okuanyi no yɛ edziban na ɔdze ngyegyee a ɔba wɔ ber a orisiw emo dze ayɛ adɔkɔdɔkɔdze (mochi) dze frɛ sunsum a ɔwɔ bea a wodua emo no (paddy field). Ber a ɔhyɛ no dwumadzi atar no, ɔdze kandzea ma no hɔho akɔaba. Okuanyi no ma sunsum no gye n'ahom wɔ dan mu, ɔyɛ eguardze ma no, na ɔma no emo, edua na nam. Adwen no nnhu adze yie dɛm ntsi ɔwɔ dɛ nyia ɔrema no edziban no kyerɛ edzinban no mu kyerɛ no wɔ ber a ɔdze rema no. Amambra a ɔnye iyi dze nsɛ kɔ do wɔ ber a a wodua adze wɔ Kwakwar bosoom mu. Wɔwɔ dɛm dwumadzi yi mu ahorow.

UNESCO kyerɛɛw dɛm amambra yi too hɔ wɔ afe 2009 mu wɔ ''Representative List of the Intangible Cultural Heritage of Humanity'' mu.