Nii Okaidja Adamafio

Nii Okaidja Adamafio yɛ Ghananyi amanyɛnyi. Ɔno na nna ɔyɛ ɔsoafo a ɔhwɛ ɔman ne bambɔ nsɛm do wɔ ɔmanpanyin Rawlings n'amambu mu wɔ afe ahaakron eduokron esoun (1997) mu dze kesii afe mpem ebien na kor (2001) mu. Nna ɔyɛ mbrahyɛbaguanyi a odzi kan wɔ Odododiodoo abatow mpasuar do wɔ afe ahaakron eduokron esoun (1997) mu kesii afe mpem ebien na kor (2001) mu.

Nii Okaija Adamafio
Member of Parliament for Odododiodoo Constituency
In office 7 January 1996 – 6 January 2001
Preceded by	Ishmael Tetteh Aryeetey
Succeeded by	Reginald Nii Bi Ayibonte
Minister of Interior
In office 1997–2001
President	Jerry John Rawlings
Personal details
Born	Accra
Nationality	Ghanaian
Political party	National Democratic Congress (Ghana)
Occupation	Lawyer Politician

Abrabɔ Ahyɛse na Nwomasua

Adamafio yɛ Ghananyi na wɔwoo no wɔ Nkran a ɔwɔ Ghana. Ɔkɔr skuul wɔ La Bone Mpanyin Nsɔwdo Skuul na owiee afe 1964 mu.

Amanyɛsɛm

Adamafio somee dɛ Mbrahyɛbaguanyi maa Odododiodoo Ambatow Mpasuar a ɔwɔ Nkran Kurowpɔn Mantɔw mu a ɔwɔ Ghana no wɔ Mbrahyɛbagua atsenae mpɛn ebien. Ogyinae dɛ Odododiodoo Ambatow Mpasuar do Mbrahyɛbaguanyi wɔ afe 1992 na odzii konyim. Ɔsan so gyinae na odzii konyim wɔ 1996 Ghana Mampanyin na Mbrahyɛbagua ambatow no mu. Ogyinae maa Kyim Amanyɛkuw no, mekyerɛ dza wotwa no sin frɛ no NDC no na onyaa amba no mu 29,142 a nna ogyina hɔ ma ɔha nkyɛmu eduasa enum ekyirpɔw eduanan (35.40%). Nyia ɔnye no gyinae no nye S.A. Odoi Sykes a ogyinae maa Ɔson Amanyɛkuw no, mekyerɛ NPP na ɔno so nyaa amba no mu 27, 097 a ogyina hɔ ma ɔha nkyɛmu eduasa ebien ekyirpɔw eduakro (32.90%). Samuel Agoe Lantei Lamptey a ogyinae maa PNC no so nyaa amba no 1, 231 a ogyina hɔ ma ɔha nkyɛmu kor ekyirpɔw duenum (1.50%). Emmanuel Nii Korley Adu Tetteh a ogyinae maa National Convention Amanyɛkuw no so nyaa amba no mu 641 a ogyina hɔ ma ɔha nkyɛmu hwee ekyirpɔw eduowɔtwe (0.80%). Nii Noi Nortey a ogyinae maa CPP no so nyaa 528 a ogyina hɔ ma ɔha nkyɛmu hwee ekyirpɔw eduosia (0.60%).

Afe 2000 ambatow no mu no, onyaa amba no mu 24, 181 a ogyina hɔ ma ɔha nkyɛmu eduanan ebiasa ekyirpɔw akron (43.9%). Ber no, odzii nkogu maa Reginald Nii Bi Ayibonte. Adamafio somee dɛ Soafo a ɔhwɛ ma ɔman mu nsɛnsɛm kɔ do yie no wɔ Mampanyin dadaw Jerry John Rawlings n'aber do. Dɛ ɔyɛ amanyɛnyi a ɔdɔƆM NDC amanyɛkuw no, ɔbɔɔ no ho mbɔdze bɛyɛɛ amanyɛkuw no guamutsenanyi abedziekyir. Kwakwar bosoom no wɔ afe 2006 mu no, ɔkɔr ahomgyee mu wɔ NDC amanyɛkuw no mu. Afe 2008 mu no, ɔbɛyɛɛ Democratic Freedom Amanyɛkuw no guamutsenanyi abedziekyi