Maame Esi Acquah Taylor

Maame Esi Acquah Taylor yɛ Ghana Adzepamnyi na nkan no Ahoɔfɛ Hembaa(former beauty queen). Afe 2000 mu no, wɔhyɛɛ no Miss Universe Ghana na ogyinaa Ghana ananmu wɔ afe 2000 pageant a ɔkɔr do wɔ Cyprus no mu. Mprenpren yi ɔno na ɔdze Aha Brands bɔbɔɔ adze na ɔno so na ɔyɛ panyin. Cape Coast a ɔwɔ Finimfin mantɔw mu na wɔwoo no na wɔtsetsee no, na ɔkɔr skuul so wɔ Oguaa Suapɔn (University of Cape Coast) mu.

Maame Esi Acquah Taylor

human

Bɔbea	female
Dzin a wɔdze ama no	Maame
Ebusua dzin	Taylor
Da a wɔwoo no	1980
N'edwuma	model, fashion designer
Educated at	Holy Child High School, Ghana

Ɔbra ahyɛse na Nwomasua

Afe 1980 mu na wɔwoo Maame Esi Acquah Taylor wɔ Oguaa wɔ Ɔman Ghana ne finimfin afamu. Afe 1986 nye 1994 ntamu no na ɔhyɛɛ no skuul ase wɔ St. Monica's Primary na Cape Coast University JSS ansaana ɔrotoa do akɔ Holy Child Secondary School wɔ Oguaa. Ɔyɛɛ General Arts ber a ɔwɔ skuul wɔ Holy Child no na ekyir no ɔkɛyɛɛ degree program bi wɔ Oguaa Suapɔn (University of Cape Coast) mu.

Miss Universe Ghana

Afe 2000 mu no, wɔhyɛɛ Taylor dɛ Miss Universe Ghana a odzii kunyim kegyinaa maa Ghana wɔ Miss Universe pageant no mu wɔ Cyprus.

Edwuma

Taylor hyɛɛ n'edwuma ase wɔ media mu dɛ nsɛnkyerɛwnyi na dawurbɔnyi wɔ Citi FM a ɔyɛ Nkran-Borɔfo redio steehyɛn(Accra-English based radio station). Ɔtoaa n'edwuma a ɔnnkyɛr do wɔ State Broadcasting Corporation no, Ghana Television a hɔ na ɔyɛɛ 'The Breakfast Show' tsitsenanyi Gifty Anti n'abedziekyir.

Ɔasom dɛ Senior Banking ɔfesa wɔ Zenith Bank, Ghana. Afe 2020 mu no, ogyinaa mu dɛ asɛndzifo wɔ Accra Mall Future Fashion Fund a hɔ na wɔbɔɔ Edzordzinam Agrosah abaw do wɔ second edition no mu.

Afe 2018 mu na ɔtseew Aha Pink Warriors a hɔn botae nye dɛ wɔbɔko kokoram a ɔka enumfu. Afe 2012 mu na ɔdze Aha Brands a wɔhwɛ, accessories, lingerie na swimwear Lawen Taylor's bɔbɔɔ adze.

N'abrabɔ

Taylor awar kitsa mba nsia.