Kawagoe Hikawa Afahyɛ

Kawagoe Festival, dzin a obiara nyim yɛ Kawagoe Hikawa Festival (川越氷川祭, Kawagoe Hikawa Matsuri) ɔyɛ Japan amanbrɛ afahyɛ a wɔ yɛ no afe biara wɔ dapɛn a ɔtɔ do ebiasa wɔ Ɔbɛsɛ mu wɔ Kawagoe City, Saitama Prefecture. Ɔyɛ Kawagoe ne dwumadzi kɛse n'ara na afahyɛ no wɔ abakɔsɛm a ɔbor mfe 360.Ɔtwe akwantufu na ahwefo bɛyɛ apem wɔ nda ebien no mu. Dwumadzi da kɛse a ɔma nyimpa hyɛ ntar ahorow dze yɛ ɔyɛ kyerɛ pii dze kyerɛ abakɔsɛm ma afahyɛ no kɔ do wɔ castle town a ɔwɔ Kawagoe ibi yɛ wɔ mpata dadaw bea ase a wɔfrɛ no Kurazukuri Zone.

Wɔ afe 2005 no, wɔ hyeyɛɛ afahyɛ no dɛ ɔyɛ National Important Intangible Folk Cultural Property wɔ dzin a ɔyɛ "Kawagoe Hikawa Festival Float Event", na wɔ afe 2016, afahyɛ no bɛhyɛɛ UNESCO Intangible Cultural Heritage no mu dɛ ɔyɛ "Yama, Hoko, Yatai, Float Festivals wɔ Japan" no mu kor.

Highlights

Kawagoe Afahyɛ no ne ndwuma kɛse n'ara a obiara hwɛ kwan yɛ "Hikkawase", anaa akodzi wɔ ndwomtow mu a ɔka anantsew anantsew ho. Bɛyɛ nyimpakuw 50 a wɔfrɛ mbeambea dze hɔn afahyɛ dze a wɔdze twa kwan wɔ aber a wɔ nantsew fa kurow no mu. Sɛ hɔn afahyɛdze a wɔdze twa kwan no wɔdze hyia wɔ bea bi anaa brono bi a, wɔ dan hɔn ho ma hɔn enyim hyia yie na wɔ dzi ako wɔ akwan a ɔma wɔdze hɔn asaw na ndwomtow to gua na wɔfrɛ iyi "Ohayashi".

Ohayashi yɛ ndwom dwumadzi a ndwomtofo enum na wɔbɔmu bɔ na ma wɔdze bɔ atentenben kor , kyen kɛse kor, kyen nketsenketse ebien na adɔma kor. Wɔ nye hɔn a wɔsaw a wɔdze pakaku anaa gyata nkatado ahyɛ hɔn enyim, wodzi agor yie wɔ asaw ho wɔ dwumadzi n'ase.

Wɔ aber a ndwom na asaw no ma no mu do no, hɔn a wɔ kitsa dwumadzi no na ahwefo no yɛ dede kɔ gye hɔn do. Wɔ ewimbir no, wɔ aber a afahyɛ no rokɔ n'ewiei no dɛ ma hɔn a wɔ kitsa dwumadzi fa bobo kandzea kitsa ama ɔhan fɛfɛɛfɛw aba dwumadzi n'ase.

Floats

Adze tsitsir a ɔtwe nyimpa ba afahyɛ n'ase yɛ nyimpakuw dodow a wɔ nantsew twa kurow no mu no. Bea biara wɔ nyimpakuw dodow a wɔ nantsew twa kurow a wɔ yɛ ahorow 29, na hɔn mu bɛyɛ 20 dzi akotsen wɔ afahyɛ dwumadzi no mu.

Dwumadze no wɔ ndzɛmba ebien bi a ɔda nsiw. Kor yɛ Edo w'ahyehyɛ egyindo ebien a aboduaba si do. Ase dze no yɛ afahyɛ gyinabea kakraba bi w'esiesie do na wɔdze nkyensidan abɔ do, na esor dze no bea a wɔdze aboduaba no esi no. Bea a wɔdze aboduaba no esi no wotum dandan no , wɔdze hɔn nsa tum dandan no ba sor anaa famu, na aboduaba no na esor dze no wotum dze sie ase dze no mu wɔ ase ne gyinabea n'ekyir, na ɔma nsesa ba ne tsentsen mu fri 8m dze kɔ 4m.

Nboduaba no hɔn ekyir fri tsetse Japanfo hɔn amanbrɛ mu a ibi nye dɛ Noh plays na awensɛm, anaa wɔ hyehyɛ hɔn fri tstetse ababɔksɛm ngyinado mu. Dwumadzi biara tum nya ne dzin fri ngyinado no a aboduaba no dze ba.

Kor no nye ma otum twa no ho si wɔ 360°, wɔ aber a mboa biara nka ho. Wɔ yɛɛ dɛ obɛyɛ yie ma gyinabea no botum egyina nhwɛenyim wɔ aber a dwumadzi fri mbeambea nhyiamu wɔ mfinfin wɔ afahyɛ no mu na ama w'etum enya enyigye wɔ ndwomtow ako n'ase a wɔfrɛ no "Hikkawase".

History

Wɔ ka dɛɛ Kawagoe Afahyɛ no hyɛ ase fri 17th century, wɔ aber a lord ma Kawagoe Domain Matsudaira Nobutsuna kɔ kyɛɛ abosom som bea kakraba bi na afahyɛ ahorow ho ndzɛmba dze maa Hikawa Shrine, a nna wɔwɔ afahyɛ kor pɛ a wɔfrɛ no "Reitaisai" dze kyerɛ hɔn enyisɔ ma ahayɛ mu ndze pa. Nna 'Reitaisai' afahyɛ no akomfo nkɔ na wotum dze hɔn ho hyɛ mu, lord no gyee to mu dɛ kurow no hia afahyɛ kɛse bi .

N'akyɛdze no maa osii abosomfie hɔ dɛɛ ɔwɔ dɛɛ wɔ yɛ afahyɛ fofor a wɔfrɛ no "Jinkosaii", na ekyir yi kuw du a wɔfri abosom fie dze hɔn ho bɔ hɔn.

Ndɛ Kawagoe Afahyɛ no bi nye "Jinkosai" na kurow no mu nyimpa hɔn afahyɛ dzi "Jinkosai" n'ekyir. Afahyɛ no nyaa mpomtu na onyaa nka bɔ mu wɔ Edo afahyɛ akwan ahorow mu, ibi nye San-no Afahyɛ anaa Kanda Afahyɛ.

Dɛm afahyɛ a wɔfrɛ no Tenka Matsuri no shōgun (Ɔyɛ Japan ɔmanbufo) na ɔsɔɔ hɔn ase na ɔdze n'enyimyam hyɛɛ dwumadzi n'asin wɔ Edo mber mu, na hɔn ho da nsiw yie ma Kawagoe eguadzifo no.Akwan a wɔdze nyama wɔ Shingashi River a nsɛm bone biara nsi na wɔdze hyia Edo yɛɛ Kawagoe eguadzifo dzii yie na wonyaa akwanya dɛ wɔbɔ hu ndzɛmba afofor a ɔrekɔdo wɔ Edo.

Dɛm Kawagoe eguadzifo yi hɔn ho dwiriw hɔn wɔ dzaa wɔ hun faa Tenka Matsuri na wɔbɔɔ mbɔdzen kasaa faa Edo akwan ahorow dze kɔ Kawagoe afahyɛ mu wɔ 19th century n'ahyɛse. Wo bisaa nyimpa a wɔhyehyɛɛ float dwumadzi maa Tenka Matsuri dɛɛ onyɛ dɛmara pɛpɛɛpɛr mma Kawagoe afahyɛ. Osiandɛ nna float a osido ebien no na Tenka Matsuri na odzi dzi dwuma, Wɔdze dɛm float no pɛpɛɛpɛr maa Kawagoe Afahyɛ. Wɔ Tenka Matsuri, na ɔwɔ dɛɛ wɔdze float no kyerɛ shōgun, nyaa ɔsɔɔ afahyɛ n'asin , wɔkɔhwɛɛ castle gate no mu, a nna onyɛ tsentsen dɛ ma wɔrehwehwe ntsi wɔdze baa famu kakra.

Shōgun aban gui n'ekyir no, afahyɛ a wɔdze float yɛ no kɔɔ famu wɔ Tokyo, wɔ aber a Kawagoe Afahyɛ no nko kɔɔ kan. Mantam efa bi wɔ Kawagoe mpo yɛɛ float afofor na wɔfaa nsesa akwan maa Ohayashi dwumadzi. Wɔ World War II ekyir no, nyimpakuw bi a wɔtse ben hɔn a onnyɛ nyimpakuw du no fri ase dze hɔn ho hyɛɛ afahyɛ no mu, na nyimpakuw a wɔtse mantam hɔ a wɔdze hɔnho hyɛɛ mu no bɛyɛɛ beberee.Ndɛ, float 29 na wɔdze sie wɔ kurow no mu na no mu 28 yɛ nyimpakuw a wɔtse hɔ no hɔn dzaa na kor yɛ Kawagoe kurow ne dza.