Joseph Samuel Annan

human
Bɔbea	male
Dzin a wɔdze ama no	Joseph
Da a wɔwoo no	18 Mumu 1953
Bea a wɔwoo no	Komenda/Edina/Eguafo/Abirem Municipal District
N'edwuma	politician, dentist
Dzibew	Member of the 5th Parliament of the 4th Republic of Ghana
Educated at	London School of Economics and Political Science, University of London, Chelsea College, Ridge Church School
Member of political party	National Democratic Congress
Religion or worldview	Methodism

Joseph Annan (wɔwoo no Mumu da ɔtɔ do duawɔtwe (18), afe 1953) yɛ Ghana amanyɛnyi. Nna ɔyɛ Mbrahyɛbaguanyi a ɔgyinaa Komenda/Edina/Eguafo/Abrem Ambatow mpasua ananmu wɔ Ghana Amansin a ɔtɔ do anan (4) no mbrahyɛ bagua a ɔtɔ do enum (5) no mu.^[1]

Ɔbra Ahyɛase na Nwomasua

Wɔwoo Annan wɔ Mumu 1953 wɔ Komenda wɔ Finimfin Mantɔw wɔ Ghana. Ɔnyaa nye mfitiase nwomasua wɔ Ridge Asɔre Sukuu (Ridge Church School) a ɔwɔ Accra. Ber a ɔnyaa nye GCE A na O level adansedzi nkrataa ekyi no ɔsan suaa Asetra ho adzesua (Sociology), Adwene na nneyɛe ho nyimdze (Psychology), akontaabu (statistics) na Mmoa ho adzesua (Zoology) wɔ Chelsea College. Ɔbɛyɛɛ ntsinyi ho oprehyɛn ho ɔbenfo (dental surgeon) ber a osuaa nsensan oprehyɛn (dental surgery) wɔ Royal London Hospital Medical College wɔ afe 1977 mu akyi. Ɔsan nso suaa nyansahu mu Master of Science wɔ sikasɛm (Master of Science in economics), Akwahosan Nhyehyɛe na Sikasɛm mu (Health Planning and Financing) wɔ London Sukuu a ɔhwɛ Sikasɛm do (London School of Economics) na London Sukuu a ɔhwɛ Ahotew na Aduruyɛ a ɔwɔ Ɔhyew do (London School of Hygiene and Tropical Medicine).^[1]

Edwuma

Annan yɛɛ edwuma dɛ anom oprehyɛn ho ɔbenfo (oral surgeon) fi afe 1978 kɔsi afe 1982 na dɛ sẽ ho oprehyɛn (dental surgeon) fi afe 1982 kɔsi afe 1988. Efi afe 1988 kɔsi afe 1992 no ɔyɛɛ edwuma dɛ aban sẽ ho ɔpanyin (senior governmental dental officer) na maxillo-facial oprehyɛn (maxillo-facial surgeon) wɔ Akwahosan Dwumadzibea (Ministry of Health) a ɔwɔ Zimbabwe. Efi afe 1994 kɔsi afe 2002 no ɔyɛɛ edwuma dɛ ɔkwankyerɛfo panyin (executive director) maa JSA Consultants Int. wɔ Ghana mu.^[1]

Amanyɛsɛm

Annan gyinaa Komenda/Edina/Eguafo/Abrem ambatow mpasua ananmu dɛ Mbrahyɛbaguanyi wɔ Ghana Amansin a ɔtɔ do anan no mbrahyɛ bagua a ɔtɔ do enum (5) no mu. Iyi yɛ ber a wɔpaw no wɔ National Democratic Congress tekiti do wɔ afe 2008 amansan ambatow a ɔkɔɔ do wɔ Ghana no ekyi. Ɔnyaa ambatow a ɔfata a wɔtow nyinara mu 48.83%. Stephen Nana Ato Arthur a ofiNew Patriotic Party na Joachim Bruku Eshun a ofi Convention People’s Party no dzii nkogu dzenam ambatow a wɔtow nyinaa mu 41.41% na 9.76% a wonyae no do.^[1]^[2]

N'abrabɔ

Annan awar na ɔwɔ mba ebiasa (3). Ɔyɛ Kristonyi (Mɛtɔdisnyi - Methodist).^[1]

Nhwɛdo

[:0-1] 1.0 ^1.1 ^1.2 ^1.3 ^1.4 https://web.archive.org/web/20160506170405/http://ghanamps.gov.gh/mps/details.php?id=75

[2] ttps://web.archive.org/web/20221227051311/https://ghanaelections.peacefmonline.com/pages/2008/central/77/index.php

[1]

[2]