Joseph Amenowode

Joseph Zaphenat Amenowode yɛ Ghana amanyɛnyi na nwomasuanyi. Nna ɔyɛ mbrahyɛbaguanyi dze ma Hohoe Anaafo na Tsitsenanyi dze ma Firaw mantɔw mu wɔ Ghanaman mu fitsi afe mpemebien na akorɔn ne bosoom Sanda kesi ber a wɔpaam no wɔ afe mpemebien na du ebien. Ɔyɛɛ edwuma dɛ kyerɛkyerɛnyi wɔ Suapɔn mu ansaana ɔrokɔ amanyɛ mu.

Joseph Zaphenat Amenowode

human

Bɔbea	male
Dzin a wɔdze ama no	Joseph
Bea a wɔwoo no	Nkran Kuropɔn Mantɔw

Ɔbra Ahyɛase na Nwomasua

Amenowode n'ebusua fi Ve-Deme a ɔwɔ Hohoe mansin a ɔwɔ Firaw mantɔw mu. Wɔwoo no wɔ Nkran, Ghanaman no ne tsir. Ɔkɔr Hohoe Evangelical Presbyterian Mfinimfin Skuul wɔ afe apem ahaakorɔn eduosia esia na afe apem ahaakorɔn eduosuon biako ntamu dze nyaa ne General Certificate wɔ Nwomasua mu (GCE) Ordinary Level. Ɔtoaa do kɔr Kpando Mfinimfin Skuul kenyaa ne nwomasua a ɔtɔ do esia dze nyaa ne GCE Advanced Level wɔ afe 1973. Suapɔn a ɔdze hyɛɛ ase yɛ Kwame Nkrumah University of Science and Technology na hɔ na onyaa ne Bachelor of Arts Honours degree wɔ afe 1979. Ɔtoaa do afe kor dze nyaa ne postgraduate diploma wɔ afe1980. Afe 1991 mu no, onyaa ne master's degree wɔ Suapɔn kor no ara mu. Ɔkɔr Pratt Institute wɔ New York City na hɔ na onyaa ne Master of Professional Studies degree wɔ Art Therapy wɔ afe 1997 mu.

Edwuma

Amenowode kyerɛɛ adze wɔ Ghana Education Service. Ekyir no ɔbɛyɛɛ kyerɛkyerɛnyi wɔ University of Education, Winneba a ɔwɔ mfinimfin mantɔw mu. Nna ɔyɛ Guamutsenanyi dze ma kuw a mbrahyɛbafie yii hɔn wɔ edwumasɛm hoar, ahobambɔ na ɔman no edwumakuw ho.

Amanyɛsɛm

Joseph Amenowode yɛ NDC amanyɛkuwba. Odzii kan gyinaa wɔ afe mpem ebien na anan Ghana mbrahyɛbagua abatow no mu na onyaa mba dodow 17,720 (75.6%) na ɔfaa ne dzibew dɛ mbrahyɛbaguanyi wɔ afe mpem ebien na awɔtwe mu. Afe mpemebien na akorɔn mu no, Ghana mampanyin John Atta Mills paaw no dɛ Mantɔw mu tsitsenanyi dze maa Firaw mantɔw kesi dɛ Mampanyin Mills resesa mu afa dɔm fofor wɔ afe mpem ebien na du ebien mu.

N'abrabɔ

Ɔyɛ Kristonyi a ɔyɛ Wiadze NyinaRa Asɛmpaka Asɔre (Global Evangelical Church) no munyi. Wawar na ɔwɔ mba esuon (7).