John Kweku Kumah

John Kweku Kumah (wɔwoo no wɔ afe apem ahaakorɔn eduasa awɔtwe ne bosoom Ebɔw ne da a ɔtɔdo eduasa mu) yɛ Ghana amanyɛnyi na mbrahyɛbaguanyi wɔ mbrahyɛbagua a odzikan na dza otsia ebien no wɔ kwasafoman a otsia anan no mu wɔ Ghana dze ma Twifo/Hemang/Lower Denkyira mpasuardo wɔ NDC amanyɛkuw no amambu ase.

NE BRA AHYƐSE

Wɔwoo John wɔ Finimfin mantɔw mu wɔ Ghana. Onyaa ne "Bachelors of Arts Degree wɔ Ghana Suapɔn mu (University of Ghana, Legon).

Ɔtoaa do kɔr Finimfin mantɔw mu kɔtoaa no skuul do na hɔ na onyaa ne "Post Graduate Certificate na Master of Arts Degree" wɔ Oguaa Suapɔn mu (University of Cape Coast). Ɔyɛɛ edwuma dɛ Ɔkyerɛkyerɛnyi ansaana ɔrokɔ amanyɛsɛm mu.

AMANYƐDWUMA

John, odzi kan no wɔpaaw no wɔ kwasafoman a otsia anan no mu wɔ afe apem ahaakorɔn eduokorɔn ebiasa wɔ ber a odzii kunyim wɔ afe apem ahaakorɔn eduokorɔn-ebien ne bosoom Mumu mu ne da a ɔtɔdo eduonu-akron Ghana mbrahyɛbagua abatow no mu. Wɔpaaw no wɔ mbrahyɛbagua a otsia ebien no wɔ kwasafoman a ɔtɔdo anan no mu wɔ afe apem ahaakorɔn eduokorɔn-esuon ne bosoom Sanda ne da a ɔtɔdo esuon no mu ber a odzii kunyim wɔ afe apem ahaakorɔn eduokorɔn-esia Ghana asahen abatow no mu.

Wɔdze nkunyimdzi abɔtsir no bɔɔ no ber a oyii no kuwba Kwaku Nyamaa-Akyeampong hwee famu wɔ afe apem ahaakorɔn eduokorɔn-esia abatow no mu a onyaa mba 25,777 na ogyina hɔ ma 34.80% wɔ ber a Kwaku Nyamaa nyaa 34.80% a nna ogyina hɔ ma mba 17,358.

Afe apem ahaebien mu no, wɔkyɛɛ Twifo/Hemang/Lower Denkyira mpasuar mu bɛyɛɛ no Hemang-Lower Denkyira mpasuar do na Twifo-Atti Morkwaa mpasuar do. Benjamin Bimpong Donkor na Elizabeth Amoah Tetteh na wobedzii n'adze.

N'ABRABƆ

John yɛ Kristianyi.