Nna John Akparibo Ndebugre (Ebɔw 12, 1950 kesi Esusow Aketseaba 6, 2022) yɛ Ghana amanyɛnyi wɔ kwasaman Ghana mu. Nna ɔyɛ mbrahyɛbaguanyi ma Zebilla ambatow mpasua a ɔwɔ Etsifi Boka Mantɔw mu wɔ Ghana wɔ mbrahyɛbagua a ɔtɔ do anan mu wɔ Ghana Republic a ɔtɔ do anan mu. Nna ɔyɛ People's National Convention kuwba.

Abrabɔ ahyɛse na nwomasua

Wɔwoo Nbugre wɔ Ebɔw 12, 1950 mu. Owiee skuul wɔ Kwame Nkrumah University of Science and Technology. Ɔkɛgyee abodzin krataa (Bachelor of Science) wɔ suapɔn no mu. Ɔsanee wiee skuul wɔ Ghana School of Law. Onyaa abodzin krataa wɔ mbra mu (Bachelor of Law) wɔ skuul no mu.

Edwuma

Nna Ndebugre yɛ mbranyimfo.

Amanyɛsɛm edwuma

Nna Ndebugre yɛ People's National Convention kuwba. Ɔbɛyɛɛ mbrahyɛbaguanyi wɔ afe 2005 ber wɔdaa no edzi dɛ oedzi nkonyim wɔ afe 2004 Ghana ambatow kɛse mu no. Woyii no dɛ mbrahyɛbaguanyi ma Zebilla ambatow mpasua a mbrahyɛbagua a ɔtɔ do anan mu wɔ Ghana Republic a ɔtɔ do anan mu.

Ambatow

Wodzii kan paaw Ndebugre dɛ mbrahyɛbaguanyi ma Zebilla ambatow mpasua a ɔwɔ Etsifi Boka Mantɔw mu wɔ Ghana wɔ afe 2004 Ghana ambatow kɛse no mu. Odzii nkoyim dze nam People's National Convention do. Mbrahyɛbagua ngua duebiasa a nna ɔwɔ Etsifi Boka Mantɔw mu no, n'ambatow mpasua no ka no mu ebiasa a People's National Convention dzii do nkonyim wɔ dɛm ambatow no mu. People's National Convention nyaa mbrahyɛbagua ngua anan fir ngua ahaebien na eduasa mu dɛ hɔn a hɔn ho suar. Onyaa mba 11,026 fir mba dodow a wɔtowee 31,188 mu. Iyi nye 35.4% yɛ pɛr. Odzii Appiah Moses a ɔwɔNew Patriotic Party, Cletus Apul Avoka a ɔwɔ National Democratic Congress na Sulley Aneda Apam a ɔwɔ Convention People's Party. Sɛ wɔhyehyɛ no pɛpɛɛpɛ a wonyaa mba 8,921, 10,913 na 328 fir mba dodow a wɔtowee no mu. Iyi nye 28.6%, 35% na 1.1% yɛ pɛr.