John Agyabeng
John Agyabeng (wɔwoo no Kwakwar14, 1965) yɛ Ghananyi, nwomasua ho nyimdzefo na amanyɛnyi. Na ɔyɛ Mbrahyɛbaguanyi a ɔhwɛ Agona Dunkwa mansin do wɔ Ghana Amansin mu mbrahyɛbagua a ɔtɔ do enum (5) no mu.[1]
| Bɔbea | male  |
|---|---|
| Dzin a wɔdze ama no | John |
| Da a wɔwoo no | 14 Kwakwar 1965 |
| Bea a wɔwoo no | Agona District |
| N'edwuma | politician, educational theorist, teacher |
| Dzibew | Member of the 5th Parliament of the 4th Republic of Ghana, Member of the 4th Parliament of the 4th Republic of Ghana |
| Educated at | University of Cape Coast, Ghana Institute of Management and Public Administration |
| Member of political party | New Patriotic Party |
| Religion or worldview | Methodism |
Ɔbra Ahyɛse Na Nwomasua
sesa muWɔwoo Agyabeng wɔ 14 Kwakwar 1965.[1] Nye kurom nye Agona Dunkwa a ɔwɔ Ghana Finimfin Mantɔw mu. Ɔnyaa Bachelor of Education na Diploma wɔ Asase ho adzesua mu wɔ Cape Coast Esuapɔn (University of Cape Coast - UCC) mu wɔ afe 1993 mu. Wɔ afe 2008 mu no, ɔnyaa executive Masters of Governance and Leadership wɔ Ghana Institute of Management and Public Administration.[1]
Edwuma
sesa muNa Agyabeng yɛ ɔkyerɛkyerɛnyi (tutor) wɔ Nsaba Presbyterian Sukuu a ɔwɔ Ghana Nwomasua Dwumadzibea ase (Ghana Education Service). Afei ɔyɛɛ edwuma fir afe 2001 kɔsi afe 2005 dɛ Mansin Panyin (District Chief Executive - DCE) wɔ Agona Epuei Mansin (Agona East District) a ɔwɔ Ghana Finimfin Mantɔw mu. Ɔbɛyɛɛ mbrahyɛbaguanyi maa mbrahyɛ bagua a ɔtɔ do anan (4) wɔ Ghana amansin a ɔtɔ do anan (4) no mu na ɔbɛyɛɛ mbrahyɛ bagua a ɔtɔ do enum (5) no munyi maa Ghana amansin a ɔtɔ do anan (4) no.[1]
Agyabeng yɛ Mansin Panyin (District Chief Executive - DCE) ma saa ber no Agona Mansin no wɔ Kan Ɔmampanyin dzea Ɔkorɔn (Ex-President His Excellency) John Agyekum Kufuor aber do.[2][3]
Na ɔyɛ okuafo na ɔhyɛɛ n’edwuma ase wɔ afe 1998 mu.[2] Wɔbuu no dɛ Ɔmansin Okuafo nyinara wɔ 1 Mumu 2017 wɔ Ɔman Ekuafo Da afahyɛ a ɔtɔ do eduasa ebiasa (33rd) a wɔyɛɛ no Agona Duotu wɔ Ghana Finimfin Mantɔw.[2]
Amanyɛsɛm
sesa muAgyabeng gyinaa Agona Epuei ambatow mpasua a ɔwɔ Ghana Finimfin Mantɔw mu dɛ Mbrahyɛbaguanyi wɔ Ghana Amansin a ɔtɔ do anan (4) no mbrahyɛ bagua a ɔtɔ do enum (5) no mu wɔ afe 2008 Ghana amansan ambatow no mu. Wɔpaw no wɔ Ɔman Ho Dɔ Kuw Fofor no tekiti do. Wɔdze amba 15,125 na ɛpaw no a ɔnye ambatow a wɔtow nyinara mu 49.62% yɛ pɛ. Theophilus F. Maranga a ofi Ɔman Demokrasi Mbrahyɛ Bagua (National Democratic Congress) na Magnus Idan a ofi Demokrasi Ahofadzi Kuw (Democratic Freedom Party) no dzii nkogu wɔ saa ambatow no mu ber a wonyaa ambatow nyinara mu 49.51% na 0.87% akyi.[1][4] Ɔkuraa n’akongua do wɔ afe 2004 Ghana amansan ambatow no mu dɛ ɔmannyifo a ɔdzi mbrahyɛ bagua a ɔtɔ do anan (4) a ɔwɔ Ghana Amansin a ɔtɔ do anan (4) no mu.[3][5] Ɔnyaa amba a wɔtow no nyinara yɛ 18,030 a ɔgyina hɔ ma 57.60% sene na kandzifo afofor, Theophilus Fuseini Maranga a ɔyɛ ɔkannyifo a ɔdze nye ho (independent candidate) a ɔtwee amba a nye nyinara yɛ 7,427 a ɔgyina hɔ ma 23.70%, Kweku Adu Yeboah a ɔfir Ɔman Demokrasi Mbrahyɛ Bagua (National Democratic Congress) a ɔnyaa amba 5,515 a ɔgyina hɔ ma 17.60% na Stephen Kwame a ofi Nkrumah Nnyimpa Ɔman Nhyiamu (People's National Convention) no mu nso twee amba a nye nyinara yɛ 339 a ɔgyina hɔ ma 1.10% wɔ afe 2004 Ghana amansan ambatow no mu.[5]
N'abrabɔ
sesa muAgyabeng awar a ɔwɔ mba enum (5). Ɔyɛ Kristonyi.[1]
Nhwɛdo
sesa mu- ↑ 1.0 1.1 1.2 1.3 1.4 https://web.archive.org/web/20160506171348/http://ghanamps.gov.gh/mps/details.php?id=41
- ↑ 2.0 2.1 2.2 https://www.ghanaweb.com/GhanaHomePage/NewsArchive/Former-Agona-East-MP-wins-District-Best-Farmer-Award-606549
- ↑ 3.0 3.1 http://ghanamps.com/mps/details.php?id=41
- ↑ https://library.fes.de/pdf-files/bueros/ghana/10489.pdf (PDF). Ghana: Friedrich-Ebert-Stiftung. 2010. p. 77.
- ↑ 5.0 5.1 http://ghanaelections.peacefmonline.com/pages/2004/parliament/central/index.php