Issaku Salia

Issahaku Salia yɛ Ghana ɔmanyɛnyi na edwumamkwankyerɛfo. Ɔsoom dɛ mbrahyɛbaguanyi maa Wa East ambatow mpasua a ɔwɔ Etsifi Boka fitsi Sanda 7, 1993 kesi Sanda 6, 2005. Ɔsaan soom dɛ Etsifi Boka mantɔw soafo.

Abrabɔ ahyɛase na nwomasua

Wɔwoo Issaku Salia wɔ Obiradzi 15, 1952 mu wɔ Manwe a ɔwɔ Etsifi Boka Mantɔw mu wɔ Ghana. Ɔkɔr skuul wɔ Green Hill Suapɔn (ndɛ wɔfrɛ no Ghana Institute of Management and Public Administration (GIMPA)) na onyaa abodzin krataa wɔ Public Administration mu na ɔsaan kɔr Ghana Suapɔn a onyaa Bachelor of science degree Political Science. Salia tse nkwa mu.

Amanyɛsɛm

Nna ɔyɛ mbrahyɛbaguanyi ma mbrahyɛbagua a odzi kan, dza ɔtɔ do ebien na ebiasa mu wɔ aban a ɔtɔ do anan mu wɔ Ghana.

Afe 1992 ambatow

Wodzii kan paaw no kɔr mbrahyɛbagua mu maa Wa East ambatow mpasua a ɔwɔ Etsifi Boka Mantɔw mu wɔ Ghana dze nam National Democratic Congress do wɔ afe 1992 Ghana mbrahyɛbagua ambatow no mu. Ɔhyɛɛ edwuma ase dɛ mbrahyɛbaguanyi wɔ mbrahyɛbagua a odzi kan wɔ aban a ɔtɔ do anan mu wɔ Ghana wɔ Sanda 7, 1993.

Afe 1996 ambatow

Ɔbɛyɛɛ mbrahyɛbaguanyi wɔ mbrahyɛbagua a ɔtɔ do ebien mu wɔ Sanda 7, 1997 mu ber a wɔdaa no edzi dɛ oedzi nkonyim wɔ afe 1996 Ghana ambatow kɛse no mu, odzii Boyela Insah a ɔyɛNew Patriotic Party kuwba no do nkonyim. Onyaa amba 22, 078 a egyina hɔ ma 56.70% ber ne kansifo no so nyaa amba 6, 445 a egyina hɔ ma16.60%.

Afe 2000 ambatow

Wɔpaaw no kɔr mbrahyɛbagua mu maa Wa East ambatow mpasua a ɔwɔ Etsifi Boka Mantɔw mu wɔ Ghana dze nam National Democratic Congress do wɔ afe 2000 Ghana ambatow kɛse no mu.

Onyaa amba 14, 278 fii amba dodow 25, 795 mu a egyina hɔ ma 55.40%. Afe 2004 Ghana ambatow kɛse no mu no, Bayon Godfrey Tangu a ɔwɔNew Patriotic Party dzii no do nkonyim. Ɔmampanyin abadziekyir no daa no edzi kyerɛɛ ahemfo na ɔmamfo a wɔwɔ Mantɔw no mu dɛ Upper West Mantɔw soafo wɔ Dzifuu 1, 2010.

Edwuma

Salia yɛ mbrahyɛbaguanyi dada ma Wa East ambatow mpasua a ɔwɔ Etsifi Boka Mantɔw mu wɔ Ghana. Ɔsan yɛ edwumakwankyerɛfo.

N'abrabɔ mu nsɛm

Salia yɛ Kramonyi.