Issac Eduasar Edwumadzi

Isaac Eduasar Edumadzi (1 January 1957, Central Region — 11 January 2018, Cape Coast) nna ɔyɛ Ghana ɔmanyɛnyi na mbrahyɛbaguanyi ma Ejumako/Enyan/Essiam a ɔwɔ Finimfin Mantɔw mu. Ɔsoom wɔ ɔmampanyin dada John Agyekum Kufour aban mu wɔ mbrahyɛbagua a ɔtɔ do anan wɔ kwasaman a ɔtɔ do anan wɔ Ghana.

Amanyɛ dwuma

Wodzii kan paaw Edumadze kɔr mbrahyɛbagua mu maa Ejumako/Enyan/Essiam ambatow mpasua a ɔwɔ Finimfin Mantɔw mu wɔ Ghana dze namNew Patriotic Party do wɔ Ghana ambatow kɛse no mu. Onyaa amba 15, 660 fii amba dodow 34, 953 a wɔtoow mu a egyina hɔ ma 32.10% tsiaa n'akansifo Joseph K.Enos NDC kuwba a onyaa amba 14,839, Lawrence Yaw Awuah CPP kuwba a onyaa amba 3,672 na Joseph Mensah PNC kuwba a onyaa amba 782. Okegyinaa wɔ afe 2000 ambatow no mu na ɔdze amba 15, 336 fi amba 30, 500 a egyina hɔ ma 50.30% dzii nkonyim tsiaa n'akansifo Mary Padmore Dadzie NDC kuwba a onyaa amba 12,681, Kwame Adomako-Mensah NRP kuwba a onyaa amba 1,314, Jonathan Siliman Otabil CPP kuwba a onyaa amba 747, Robert Anthony Gyaisie PNC kuwba a onyaa amba 307 na Kojo Banafo UGM kuwba a onyaa amba 115.

ƆyɛɛNew Patriotic Party kuwba. J.A Kufour paaw no dɛ Finimfin Mantɔw mu soafo wɔ Kwakwa 2001. Ɔbɛyɛɛ mbrahyɛbaguanyi fi Sanda 2005 ber a wɔdaa no edzi dɛ oedzi nkonyim wɔ afe 2004 Ghana ambatow kɛse no mu. Wɔpaaw no dɛ mbrahyɛbaguanyi maa Ejumako/Enyan/Essiam ambatow mpasua wɔ mbrahyɛbagua a ɔtɔ do anan wɔ kwasaman a ɔtɔ do anan wɔ Ghana wɔ ɔmampanyin dada John Agyekum Kufour aban mu. Onyaa amba dodow 21,534 a egyina hɔ ma 57.80% ber a n'akansifo, Samuel Aggrey Forson a ɔwɔ National Democratic Congress nyaa amba 14,474 a egyina hɔ ma 38.80%, Kwame Asoandze Edu-Ansah a ɔwɔ Convention People's Party nyaa amba 1,276 a egyina hɔ ma 3.40% na James Appiah-Mensah a onnyi amanyɛ kuw biara mu, oennya amba biara. Isaac Edumadze dzii nkonyim wɔ Ejumako/Enyan/Essiam ambatow mpasua. Isaac gyinaa dɛ mbrahyɛbaguanyi ma ambatow mpasua no wɔ mbrahywbagua a ɔtɔ do ebien mu wɔ kwasaman a ɔtɔ do anan mu. Wɔpaaw no ber a wɔdaa no edzi dɛ oedzi nkonyim wɔ afe 1996 Ghana ambatow kɛse no mu.

N'abrabɔ mu nsɛm

Nna wonyim no yie wɔ Ajumako na ne mpɔtam a ɔwɔ Finimfin Mantɔw mu dɛ okuafo na Christianyi mapa.

Owu

Nna noho mmfa no yie mber kakra ma wɔdze no kɔr asopitsi naaso annkyɛr na wɔdaa no edzi dɛ oewu wɔ Sanda 11, 2018 wɔ Cape Coast asopitsi ewiaber ketekete.