Israella Kafui Mansu

Israella Kafui Mansu yɛ akatasia bi a w'agye ne dzin yie paa na ɔyɛ edwuma wɔ Ghana, ɔno na obuei Mansuki Ghana Ltd na ɔsanso yɛ panyin wɔ edwuma no mu.

Abrabɔ Ahyɛse

Israella Kafui Mansu

Wɔwoo Israella Kafui Mansu wɔ 26 October 1985 wɔ Sogakope wɔ Ghana na ɔnye n'ebusua no tuu kɔɔ Liberia wɔ ne mbofra mu ber. Awerɛhosɛm nye dɛ dɛm aber no ara mu na ɔko no sii wɔ Liberia ntsi ɔnye n'ebusua no san tuu kwan kɔɔ Ghana. Mber a odzii mfe 6 no ɔkɔɔ sukuu wɔ Sogasco Primary wɔ Sogakope, ofri hɔ kɔɔ Dabala Primary na JHS na ekyir no ɔkɔɔ St. Francis Demonstration JHS wɔ Hohoe, na hɔ ɔkyerɛw ne BECE nsɔhwɛ na nyinara ne sanstir nye dɛ ne maame ne sukuu edwuma na ɔdze ne kyemaa beberee dɛm no .Ɔdze nkonyim wie ne nsɔhwɛ no, onyaa kwan kɔɔ Anfoega ntoado sukuu a ɔwɔ Kpando Mantam mu dɛ ɔreko sua Home Economics na owiee ne sukuupɔn wɔ University of Ghana , Legon na onyaa Bachelor of Arts abodzin nkrataa wɔ Consumer Science na Psychology mu.

Nwomasua dwumadzi ahorow

Wɔ mber a Israella na ɔwɔ sukuu no, ɔkɔɔ do da nsiw wɔ n’atipɛnfo hɔn mu. Mber a na ɔwɔ Dabala JHS no, sukuu no yii no dɛ ongyina hɔn ananmu wɔ afe dwumadzi a ɔyɛ STME (Science Technology and Mathematics Education) a aban no dzi do ma mberantse ne mbaa tum dze boa hɔn ho ne tzitzit yɛ mbasiamba na ɔsanso gyinaa maa ne sukuu wɔ hɔn mantam nsɔhwɛ na akansi ahorow mu. Wɔ Anfoega SHS no ɔsan nso dze ne ho hyɛɛ nwoma akansie bi a wɔ buei ano a wɔkyerɛɛ maa sukuu no nyinara na ɔkyerɛw adzebɔ ho nsɛm na odzii nkonyim wɔ ber a ɔtɔɔ do ebiasa wɔ akansie no mu mpo na nyimpa dodow n'ara a wɔdze hɔn ho hyɛɛ mu no yɛ mbanyinba na mpanyimfo.

Edwuma ahorow

Ofri afe 2009 mu no Israella ne n’edwumakuw no ayɛ ahyɛnsiwdze a w'agye dzin yie paa wɔ me mpata mu hɔ na na amanaman gua do. Dɛɛ edwumayɛfo no, ɔyɛ nhwehwɛmu wɔ natural cosmetic products,na wɔdze hɔn ahyɛsiw tɔ do anaa ɔdze akɔ gua do. Wɔ ber a Israella wiee ne Ɔman som edwuma wɔ afe 2009 mu no, ɔhwehwɛ edwuma nanso annkosi hwee. Dɛm nyɛɛ ne nkoran na ɔdze sika bi a oyɛ GHS300 a ɔboaboaa ano fri sika a ohun sie fri ne Ɔman Dwumadzi no mu na ɔhyɛɛ ne edwumakuw a odzi kan ase wɔ ne gyaadze dɛ eduruyɛdan a ɔyɛɛ na osiesiee ndzɛmba kakraa bi a odzi kan a wɔdze yɛ ahosiesie Wɔ nsɛmbisa bi a ɔfa ne ho mu[1]a ɔno na Akpah Prince kasaa faa ho na CNAA dɛɛ “Wɔ Ber a na merehyɛ edwumakuw no ase no, na mewɔ enyisoadzehun dodow ebien wɔ m’adwen mu dɛ mɛnya sika dze abɔ bra na m'ayɛ ndwuma dze aboa nyimpa ma amenya edwuma osiandɛ dodow n'ara nnya edwuma nnyɛ wɔ ɔman no mu na ɔyɛ awerɛhow, ntsi ndzɛmba yi na okanyan me dɛ menhyɛ dɛm edwumakuw yi ase”.

Abasobɔdze

Wɔ afe 2012 mu no, Israella dze ne ho hyɛɛ Enablis mu[2] Ghana Business Launch Pad akansie na Ghana Startup Cup a ɔtɔ do ebien na odzii kan wɔ mu pɛpɛɛpɛr. Wɔ afe 2013 mu onyaa ababobɔdze wɔ dwumadzi bi ase wɔ South Africa na Europe abadzekyir a ɔda eguadzi ano na ɔhyɛɛ no dɛm enyimunyam na Europe Mbasiafo a Wɔyɛ Ndzɛmba na Ndzɛmba Fofor edwumakuw a ɔwɔ Sweden. Wɔ afe 2014 mu no ɔdze ne ho hyɛɛ YES dwumadzi a Ghana aban de sii hɔ no mu na ɔtsena ɔmampanyin no nyifa. Wayɛ ne ho asɛm wɔ television do dwumadzi ahorow mu wɔ Ghana na nsɛm a ɔfa Young Entrepreneurs a wɔwɔ Ghana na Afrika ho nso. Ɔsan nso dze ne ho hyɛɛ US Embassy Ghana dwumadzi ahorow mu na w'aka ne ho nsɛm wɔ kasa nhyiam ahorow pii do.[3] Sesiara nso ɔwɔ ɔka nyimpa esia a wɔwɔ Ghana’s Next Young Entrepreneurs Reality Show wɔ Ghana no mu no ho.

Ndzɛmba a wɔ kra kɔ amanɔne

Osiandɛ Israella dzi kan wɔ Made in Ghana ndzɛmba a wɔyɛ mu ntsi, ɔdze n’ahosiesie ndzɛmba no kɔ Afrika aman afofor mu , Asia, U.S na Europe gua do. Ne ndzɛmba no kɔ ekyir ara yie ma opia Ghana frankaa no kɔ soro paa.

Asɛm n'ewie

Israella Kafui Mansu n'enigye ho dɛ ɔbɛdzi dwuma ɔdze mpɛgya ba, ɔreyɛ edwuma a orunnyɛ dze ama mberantse na nkatasia na w'asan akyerɛkyerɛ hɔn ndwuma pa.