Ibrahim Cudjoe Quaye

Wɔwoo Ibrahim Cudjoe Quaye wɔ Ayɛwoho,30,1937, ɔyɛ Ghana ɔmanyɛnyi a ogyina mu ma Ayawaso Central wɔ mbrahyɛbagua fie wɔ Ghana fitsi 1996 kesi 2011. Ɔyɛ edwuma dɛ mantɔw mu soafo dze maa Nkran Kurowpɔn Mantɔw no wɔ Kufuor's amanbu mu fitsi 2001 kesi 2009.

N'abɔse Na Nwomasua

Wɔwoo Quaye wɔ Ayɛwoho,30,1937 mu. Ofir La-Nkran a ɔwɔ Nkran Mantɔw mu wɔ Ghana. Ɔyɛ nkan osuanyi wɔ "Cambridge School". Onyaa n'abɔdzin krataa wɔ mfe apem ahankron eduonum awɔtwe(1958) mu. Ɔsan so yɛ nkan osuanyi wɔ "Rapid Results College". Hɔ na onyaa abɔdzin krataa a ɔyɛ "Diploma in Business Administration". Iyi daa edzi wɔ 1962 mu. Wɔ 1967 mu no, onyaa abɔdzin krataa a ɔyɛ "Diploma in journalism" wɔ dɛm kolegyi(college) no mu.

Mbɔdzenbɔ

Quaye yɛ "publisher" dɛ n'edwuma tsitsir.

Amanyɛsɛm Mu Mbɔdzenbɔ

Quaye hyɛɛ n'amanyɛsɛm ase wɔ 1969 ber a ɔyɛ NPP amanyɛkuwnyi a, ogyinaa mu maa Bawku West abatow mpasua no wɔ ber a wɔrebɛhyɛ 1969 Ghana abatow kɛse no ase.

Quaye yɛ NPP amanyɛkuwnyi. Wɔdze no sii adze do wɔ 1996 Ghana abatow no ekyir na ɔbɛyɛɛ mbrahyɛbaguanyi wɔ mbrahyɛbagua fie a ɔtɔ ebien wɔ "4th Republic" mu , a ogyinaa mu maa "Ayawaso Central" abatow mpasua do wɔ Nkran kuropɔn Mantɔw mu, na ɔhyɛɛ no dwumadzi ase wɔ Sanda,1997 mu. Ɔsan so nyaa dzibew no toaa do wɔ mbrahyɛbagua fie a ɔtɔ do ebiasa, anan na enum mu wɔ mbrahyɛbagua mu. Ɔsan so bɛyɛɛ Ɔsoafo wɔ Nkran kuropɔn Mantɔw no mu wɔ Ɔmanpanyin John Kufuor amanbu mu.

Ambatow

Woyii Quaye dɛ mbrahyɛbaguanyi dze ma "Ayawaso Central" a ɔwɔ Nkran Kuropɔn Mantɔw mu wɔ 2004 Ghana ambatow no mu.Odzii nkonyim wɔ NPP amanyɛkuw ne dzin mu. N'ambatow mpasua ka mbrahyɛbaguamu ngua duesia(16) a NPP amanyɛkuw no nyaa fir ngua dodow a ɔyɛ eduonu esuon(27) wɔ Nkran Kuropɔn Mantɔw mu. NPP amanyɛkuw no nyaa dɔm dodow a ɔyɛ 128 fir mbrahyɛbagua ngua dodow a ɔyɛ 230 wɔ mbrahyɛbaguamu. Onyaa aba 36,021 fir aba dodow a wɔtoo a ɔyɛ 67,404 mu. Iyi yɛ ɔha nkyɛmu eduonum ebiasa ekyir pɔw anan(53.4%).Onyaa aba sen Zalia Seidu a ɔyɛ PNC amanyɛkuwnyi, Mariama Sinare a ɔyɛ NDC amanyɛkuwnyi, Christiana Martey a ɔyɛ CPP amanyɛkuwnyi na Charles Boateng a ɔyɛ ankonam amanyɛkuwnyi(independent candidate). Iyinom nya amba a ɔyɛ,858, 29,360, 482 na 683. Iyinom yɛ ɔha nkyekyɛmu,1.3%, 43.6%, 0.7% na 1.0%.

Wɔ 2008 mu no, odzii nkonyim wɔ abatow kɛse no mu wɔ NPP amanyɛkuw dzin mu. N'ambatow mpasua no ka mbrayɛbagua fie ngua duawɔtwe(18) a NPP amanyɛkuw no nyaa fir ngua dodow a ɔyɛ eduonu esuon(27) mu Nkran Kuropɔn Mantɔw mu. NPP amanyɛkuw no nyaa dɔm kuma aba a ɔyɛ 108 fir ngua dodow a ɔyɛ 230 mu. Ɔdze amba dodow a ɔyɛ 30,915 a ofir amba dodow a wɔtoo a ɔyɛ 62,960 mu na ɔdze dzii nkonyim.Iyi yɛ ɔha nkyɛmu eduanan ankron ekyir pɔw kor(49.1%). Onyaa amba sen, Kwesi Ofei Agyemang a ɔyɛ NDc amanyɛkuwnyi, Zalia Seidu a ɔyɛ PNC amanyɛkuwnyi, Daniel Kofi Aidoo a ɔyɛ CPP amanyɛkuwnyi na Benjamin Bediako a ɔyɛ DFP amanyɛkuwnyi. Iyinom nyaa amba a ɔyɛ, 30,058, 622, 1,160 na 295, a wogyina hɔ ma ɔha nkyɛmu a ɔyɛ 47.74%, 0.99%, 1,160% na 0.33% wɔ amba dodow a wɔtoo mu.

N'abrabɔ

Quaye yɛ Nkramonyi(Muslim). Waawar wɔ mba enum.