Hennric David Yeboah

Nna Hennric David Yeboah (Afe 1957 kesi Ebɔw 1, 2019) yɛ eguadzinyi na Ghana amanyɛnyi wɔ kwasaman Ghana. Nna ɔyɛ mbrahyɛbaguanyi ma Afigya Sekyere East ambatow mpasua a ɔwɔ Esuantse Mantɔw wɔ Ghana wɔ mbrahyɛbagua a ɔtɔ do anan, enum na esia mu wɔ Ghana Republic a ɔtɔ do anan mu. Nna ɔyɛNew Patriotic Party kuwba.

Abrabɔ ahyɛse na nwomasua

Wɔwoo Yeboah wɔ Ebɔw 11, 1957 mu. Wɔtsetsee no wɔ Agona, kurow bi a ɔwɔ Esuantse Mantɔw mu wɔ Ghana. Okosuaa adze wɔ Malcolm X College wɔ Chicago, Illinois. Afe 1986 mu no, ɔkɛgyee abodzin krataa (Diploma) wɔ dɛm skuul hɔ.

Edwuma

Yeboah yɛ oguadzifo na owura ma edwumakuw a wɔfrɛ no Daphelia Enterprise Limited wɔ Spintex road a ɔwɔ Nkran, Ghana.

Amanyɛsɛm edwuma

Nna Yeboah yɛNew Patriotic Party kuwba. Odzii kan kɔr mbrahyɛbagua mu wɔ afe 2004 na nna ɔyɛ mbrahyɛbaguanyi ma Afigya Sekyere East ambatow mpasua a ɔwɔ Esuantse Mantɔw wɔ Ghana. Ogyinaa mpɛn a ɔtɔ do ebien wɔ mbrahyɛbagua a ɔtɔ do , enum na esia mu wɔ Ghana Republic a ɔtɔ do anan mu. Afe 2005 mu no, odzii nkongu wɔNew Patriotic Party amanyɛkuw no ambatow mu ma Mavis Nkansah Boadu bɛhyɛɛ n'ananmu.

Ambatow

Wodzii kan paaw Yeboah dɛ mbrahyɛbaguanyi ma Afigya Sekyere East ambatow mpasua a ɔwɔ Esuantse Mantɔw wɔ Ghana wɔ afe 2004 Ghana ambatow kɛse no mu. Odzii nkonyim dze namNew Patriotic Party do. Mbrahyɛbagua ngua eduasa akron a nna ɔwɔ Esuantse Mantɔw mu no, n'ambatow mpasua no ka no mu eduasa esia aNew Patriotic Party dzii do nkonyim wɔ dɛm ambatow no mu.New Patriotic Party nyaa mbrahyɛbagua ngua ɔhaeduonu awɔtwe fir ngua ahaebien na eduasa mu dɛ hɔn a hɔn ho dɔɔ so. Onyaa mba 32,143 fir mba dodow a wɔtowee 41,220 a ɔnye 78% yɛ pɛr. Odzii Edward Kusi Ayarkwah a ɔwɔ National Democratic Congress, Adamu Alhassan a ɔwɔ Convention People's Party na Alhaji Amidu Adam a ɔwɔ Democratic People's Party hɔn do nkonyim. Sɛ wɔhyehyɛ no pɛpɛɛpɛ a wonyaa mba 20.5%, 1% na 0.60% fi mba dodow wɔtowee mu.

Afe 2008 mu no, odzii nkonyim wɔ ambatow kɛse no mu maa dɛm ambatow mpasua noara dze namNew Patriotic Party do. Mbrahyɛbagua ngua eduasa akron a nna ɔwɔ Esuantse Mantɔw mu no, n'ambatow mpasua no ka no mu eduasa anan aNew Patriotic Party dzii do nkonyim wɔ dɛm ambatow no mu.New Patriotic Party nyaa mbrahyɛbagua ngua ɔha na akron fir ngua ahaebien na eduasa mu dɛ hɔn a hɔn ho suar. Onyaa mba 33,080 fir mba dodow a wɔtowee 43,505 mu a ɔnye 76.04% yɛ pɛr. Odzii Edward Ayarkwah a ɔwɔ National Democratic Congress, Osman Isshak a ɔwɔ People's National Convention, Amidu Alhaji Adam a ɔwɔ Democratic People's Party na Obeng Nyantakyi Clement a ɔwɔ Convention People's Party no hɔn do nkonyim. Sɛ wɔhyehyɛ no pɛpɛɛpɛ a wonyaa mba 21.61%, 0.59%, 0.29% na 1.47% fir mba dodow a wɔtowee no mu.

Asetsena mu nsɛm

Nna Yeboah yɛ Christiannyi. Nna ɔyɛ Charismatic Christian Asɔr no kuwba. Ɔwaree woo mba beenum.

Owu

Yeboah wui wɔ Ebɔw 1, 2019, nna oenya mfe 62 ber ɔregye ayarsa wɔ Komfo Anokye Teaching Hospital wɔ Kumasi no.