Grace Coleman

Nna Grace Coleman (Afe 1943 ne bosoom Ebɔwber ne da a ɔtɔdo eduonu-akorɔn - Afe 2009 ne bosoom Dzifuu mu ne da a ɔtɔ do eduonu-esuon) yɛ Ghana amanyɛnyi na kuwba wɔ mbrahyɛbaguafie dze ma Effiduase Asokore mpasuardo ma Aban a otsia do anan wɔ 4th Republic wɔ Ghana mu.

Abrabɔ ahyɛse na Nwomasua

Wɔwoo Coleman wɔ Effiduase wɔ Asante Mantɔw mu wɔ Ghana. Ɔkɔr Skuul wɔ "Wesley Girls High" Skuul fitsi afe 1962, onyaa ne "Ordinary" na "Advanced Level abawdobɔdze" na ɔtoaa do wɔ Ghana a ɔyɛ University of Ghana, Legon, hɔ na okenyaa "Economics" na ɔdze nyaa ne Bachelor's degree. Coleman nyaa ne "master's degree" wɔ Vanderbilt Suapɔn mu wɔ ngleshi aborɔkyirman wɔ afe 1979mu, na onyaa n'abawdobɔdze wɔ Mpanyindzi na Mpontu mu(Leadership na Development) wɔ Harvard Suapɔn mu wɔ afe 1998.

Edwuma

Fitsi afe 1968 kesi afe 1974 mu no, Coleman nye Ghana Commercial Bank (GCB), a hɔn nkorbata wɔ Ejisu wɔ Kumase, na hɔ ɔyɛɛ edwumadzen ma wɔbɔɔ n'abawdo ma ɔbɛyɛɛ nkorbata no hɔn banodzifo, na wɔ afe 1975 na afe 1980 ntamu no, ɔbɛyɛɛ Economic Officer Panyin wɔ "Ministry of Finance and Economic Planning".

Nna Coleman yɛ Ghana Ambrado ma Netherlands fitsi afe 1980 kesi afe 1982 wɔ Limann n'amambu do. Ɔbɛyɛɛ kyerɛkyerɛnyi, fitsi afe 1983 kesi afe 1991 mu, na ɔbɛyɛɛ Kyerɛkyerɛnyi panyin wɔ 'Institute for Training in Inter Cultural Management' wɔ Holland.

Nna Coleman na ɔhwɛ Ghana Sikasɛm na Ɔman ne mpontusɛm do wɔ Kufuor n'amambu a odzi kan.

Amanyɛsɛm

Odzi kan no woyii Coleman wɔ mbrahyɛbaguafie wɔ afe 1996 ne bosoom Mumu Ghana abatowber wɔNew Patriotic Party kuw no mu dze maa Effiduase Asokore mpasuardo wɔ Asante Mantɔw mu. Onyaa mba pɔrpɔr 13,154 dze fi mba mba dodow a ɔyɛ 19,077 no mu a nna ogyina hɔ ma 54.90%. Ɔkɔr do dzii ne dzibew wɔ afe 2000 abatow no mu, Coleman sanee faa abatow no ma ɔkɔr wɔyɛɛ no kuwba wɔ mbrahyɛbaguafie dze maa Effiduase Asokore mpasuardo wɔ Asante Mantɔw mu. Dɛm nkunyimdzi yi baa mu wɔNew Patriotic Party kuw no tum ase. Nna ne mpasuar ka ngua eduasa-biako a ɔwɔ mbrahyɛbaguafie no ho dze fi ngua eduasa-ebiasa no nyinara mu aNew Patriotic Party kuw no fae wɔ dɛm abatow no mu wɔ Asante mantcw mu no. Mbrahyɛbaguafie ngua ahaebien mu no,New Patriotic Party kuw no na wɔfaa no mu eduokorɔn-akorɔn. Mba a ɔnam do ma wɔdze yii no wɔ mbrahyɛbaguafie yɛ mba 13,954 dze fi mba 19,799 no nyinara mu. Nna iyi gyina hɔ ma This was 71.2%. Wɔsaan Kwasi Amakye-Boateng a ɔyɛ National Democratic Congress kuwba, Osei Kwabena a ɔyɛ Convention People's Party kuwba, Osei Addiya a ɔyɛ National Reformed Party kuwba, Lovia Yeboah a ɔyɛ People's National Convention kuwba na Alfred O. Baah a ɔyɛ kuwba ho yii Grace Coleman. Nkunyimdzi mba yi yɛ 4,408, 729, 246, 235 mba 35 dze fi mba dodow a wɔtowee no nyinara mu dɛ mbrɛ edzin no tse no. Sɛ wɔsese a, nna mba yi gyina hɔ ma 22.5%, 3.7%, 1.3%, 1.2% na 0.2% pɛpɛɛpɛr.

Onyaa mba 13,051 fii mba 23,524 a nna ogyina hɔ ma 55.50% no, ɔkɔr do dɔii ne dzibew wɔ afe 2004 mu.

Personal life

Coleman war David Coleman na mba anan puee mu. Afe 2009 ne bosoom Dzifuu ne da a ɔtɔ do eduonu-esuon mu na yar a ɔfa berɛ ho bɔbɔɔɔ no a na esikyire yarba ka ho ma ɔnam do hweer ne nkwa.

Nhwɛdo

"NPP Mourns Grace Coleman". Modern Ghana. Retrieved 2 August 2020. FM, Peace. "Ghana Election 1996 Results – Effiduase / Asokore Constituency". Ghana Elections – Peace FM. Retrieved 2 August 2020. FM, Peace. "Ghana Election 1996 Results - Effiduase / Asokore Constituency". Ghana Elections - Peace FM. Retrieved 3 October 2020. FM, Peace. "Ghana Election 2004 Results – Effiduase / Asokore Constituency". Ghana Elections – Peace FM. Retrieved 2 August 2020. FM, Peace. "Ghana Election 2000 Results - Effiduase / Asokore Constituency". Ghana Elections - Peace FM. Retrieved 2 September 2020. Electoral Commission. Parliamentary Result - Election 2000. Accra: Electoral Commission. 2007. p. 5. FM, Peace. "Ghana Election 2000 Results - Ashanti Region". Ghana Elections - Peace FM. Retrieved 2 September 2020. FM, Peace. "Ghana Election 2000". Ghana Elections - Peace FM. Retrieved 2 September 2020. FM, Peace. "Ghana Election 2004 Results – Effiduase / Asokore Constituency". G