Fuzzy Dapaah Torbay

Fuzzy Dapaah Torbay yɛɛ Ghana ɔmanyɛnyi na mbrahyɛbaguanyi wɔ mbrahyɛbagua a odzi kan na dza otsia ebien wɔ aban a ɔtɔ do anan mu wɔ Ghana. Ogyinaa maa Okere ambatow mpasua dɛ National Democratic Congress (NDC) kuwba.

Abrabɔ ahyɛse

Wɔwoo Fuzzy wɔ Esusow Aketseaba 22, 1952 wɔ Epuei Mantɔw mu wɔ Ghana. Ɔkɔr skuul wɔ Okuapeman Mpanyimfo Nsɔwdo Skuul wɔ Akropong. Ɔkɔtoaa do wɔ beebi a wotum yɛ ndaadze wɔ Varta Ag. Edwumayɛbea na ɔbɛyɛɛ odwumfo. Ɔbɛyɛɛ obi a ɔyɛ mfir ho edwuma na kuayɛ edwuma ber a onyaa suahu wɔ Varta Ag. Edwumayɛbea no.

Amanyɛsɛm edwuma

Wodzii kan paaw no kɔr mbrahyɛbagua mu wɔ afe 1992 Ghana mbrahyɛbaguafo ambatow maa National Democratic Congress. Wɔpaaw no bio wɔ Sanda 7, 1997 ber wɔdaa no edzi dɛ oedzi nkonyim wɔ afe 1996 Ghana ambatow kɛse no mu, ɔdze amba 9, 252 a ogyina hɔ ma 43.60% dzii n'akansifo Kwaku Asamoah a ɔwɔ Convention People's Party, Joe Mantey a ɔwɔNew Patriotic Party na Duodu Simpson Samuel ɔwɔ People's National Convention. Kwaku Asamoah nyaa amba 6, 009 a ogyina hɔ ma 28.30%, Joe Mantey nyaa amba 1, 450 a ogyina hɔ ma 6.80% na Duodu Simpson Samuel so nyaa amba 403 a ogyina hɔ ma 1.90%.

Fuzzy dzii nkogu ma Brandford K. Adu a ɔwɔNew Patriotic Party bɛgyee n'egua no wɔ afe 2000 ambatow kɛse no mu. Onyaa amba 7, 313 a ogyina hɔ ma 47.20%, aber a Brandford so nyaa amba 7, 322 a ogyina 47.30%.

N'abrabɔ mu nsɛm

Fuzzy yɛ Kramonyi.

Owu

Fuzzy Dapaah Torbay wui wɔ Ayɛwoho 18, 2002 wɔ New Jersey ber a yar kakraa bi bɔɔ no. Ɔgyaa okunafo na mba anan.