Francis Kojo Arthur

Francis Kojo Arthur (wɔwoo no wɔ Ɔberɛfɛw 22, 1954) yɛ nkan no mbrahyɛbaguanyi ma Gomoa West ambatow mpasua a ɔwɔ Finimfin Mantɔw mu wɔ Ghana wɔ mbrahyɛbagua a ɔtɔ do esia wɔ Ghana amambu a otsia anan mu.

Asetsena mu nsɛm

Arthur awar awo mba du. Ɔyɛ Christiannyi (Catholic).

Abrabɔ ahyɛse na nwomasua

Wɔwoo Arthur wɔ Ɔberɛfɛw 22, 1954 mu wɔ oGmoa Abasa Number 2 a ɔwɔ Finimfin Mantɔw mu wɔ Ghana. Ɔkɔr skuul wɔ Kwame Nkrumah University of Science and Technology na onyaa abodzin krataa (master's degree in Animal Breeding) wɔ Mbowa Awo mu wɔ afe 2000 mu.

Edwuma

Ansaana Arthur rebɛyɛ mbrahyɛbaguanyi no, nna ɔyɛ kyerɛkyerɛnyi wɔ Anglican Mpanyimfo Ntoado Skuul wɔ Kumase.

Amanyɛ

Arthur yɛ National Democratic Congress kuwba. Afe 2009 mu no, odzii Joe Kingsley Hackman no do nkonyim dɛ mbrahyɛbaguanyi maa Gomoa West ber a odzii nkonyim wɔ afe 2008 wɔ Ghana ambatow kɛse no mu. Ambatow mu no, onyaa mba 15,985 a nna ogyina hɔ ma 47.47% fir mba dodow a wɔtowee no mu na ɔdze dzii akansifo nkaa no hɔn do nkonyim. Ogyinaa bio wɔ afe 2012 Ghana ambatow kɛse no mu na odzii nkonyim, iyi maa onyaa akwanya dɛ obegyina mpɛn a otsia ebien ama n'ambatow mpasua no. Afe 2012 ambatow mu no, onyaa mba 27,624 a nna ogyina hɔ ma 56,6% fir mba dodow a wɔtowee no mu.

Naasi afe 2016 mu no, oenntum enngyina wɔ afe 2016 Ghana ambatow kɛse no mu osiandɛ odzii nkogu wɔ National Democratic Congress (NDC) mbrahyɛbagua ambatow no mu. Iyi maa Samuel Fletcher gyinaa maa NDC wɔ afe 2016 Ghana ambatow no mu.