Edward Michael Ennin

human
Bɔbea	male
Ɔman a ofir do	Ghana
Dzin a wɔdze ama no	Edward
Da a wɔwoo no	16 Esusow Aketseaba 1970
Languages spoken, written or signed	English
N'edwuma	politician, insurance broker, banker, economist
Dzibew	Member of the 6th Parliament of the 4th Republic of Ghana, Member of the 5th Parliament of the 4th Republic of Ghana, Member of the 4th Parliament of the 4th Republic of Ghana
Educated at	Kwame Nkrumah University of Science and Technology
Member of political party	New Patriotic Party
Religion or worldview	Methodism

Edward Michael Ennin (wɔwoo no 16 Esusow Aketseaba 1070) yɛ Mbrahyɛbagua a ɔtɔ do enum (5) a ɔwɔ Ghana Amansin a ɔtɔ do anan (4) no munyi ma Obuasi Epuei Masin wɔ Ashanti mantɔw mu wɔ Ghana.[1] Wɔpaw no wɔ New Patriotic Party (NPP) tekiti dɛ Mbrahyɛbaguanyi.

Afe 1970 no bosoom Esusuow-Aketseaba ne da a otsia duesia mu wɔ 'Old Edubiase' a ɔwɔ Asante Mantɔw mu na wɔwoo Ennin. Onyaa ne Diploma wɔ Data Processing mu fir Kwame Nkrumah University of Science and Technology. Onyaa ne diploma wɔ afe 1997 mu fir suapɔn no mu. Bio, ɔsanee nyaa EMGL degree fir Ghana Institute of Management and Public Administration. Onyaa degree no wɔ afe 2008 mu.

Edwumayɛ

Ennin yɛ 'Insurance broker' na 'programmer'. ɔsanso yɛ sikakorafo na sɔnmu bambɔfo so. Ennin yɛ Asante Mantɔwmu ananmusinyi ma edwumakuw a wɔfrɛ no 'All Risk Consultancy Limited'.

Amanyɛsɛm

Ennin yɛ New Patriotic Party kuwba. ɔsoom dɛ amanyɛkuwba wɔ mbrahyɛbagua a otsia enum, esia na akorɔn no mu wɔ Ghana Kwasafoman a otsia anan no mu. Odzii nyia ɔnye no sii akan no do konyim no, wogyinaa mba 59.08% dze fi mba a wɔtowee no mu no paaw no dɛ mbrahyɛbaguanyi. ɔka apamfo dze ma 'Government Assurances, Mines and Energy ho. Ennin ayɛ mbrahyɛbaguanyi fitsi Sanda 2005 besi ndɛ.

ELECTIONS

Ennin ne da a odzi kan a wɔ mbrahyɛnbaguamu nye ber a wɔpaaw no dɛ mbrahyɛnaguanyi dze ma Obuasi Epuei mpasuar wɔ Asante mantɔwmu wɔ Ghana wɔ afe 2004 Ghana amansan ambatow no mu. ɔnam New Patriotic Party no tekitsi do na odzii konyim. Nna ne mpasuar no ka mbrahyɛbagua atsenae eduasa esia a NPP amanyɛkuw no faa no ho dze fi atsenae eduasa akorɔn no wɔ dɛm abatow a ɔkɔr do wɔ Asante Mantɔw no mu. New Patriotic Party amanyɛkuw no faa mbrahyɛbagua atsenae ɔha nye eduonu awɔtwe dze fi atsenae anaa dzibew ahaebien nye eduasa no mu. Wogyinaa mba 43,102 dze fi mba dodow 74,717 mu paaw no. Nna mba yi gyina hɔ ma 57.7% dze fi mba dodow no mu. Wosiaan Michael Carr Aaron a ɔyɛ People's National Convention amanyɛkuwba, Justice Dasah a ofi National Democratic Congress kuw no mu na Adelaide Borden a ɔyɛ independent candidate ho paaw Ennin. Mba a wonyae yɛ 550, 4,426 na 26,639 ndzidzi do dze fi mba dodow a wɔtowee no mu. Nna mba yi gyina hɔ ma 0.7%, 5.9% na 35.7% dze fi mba dodow no mu.

Afe 2008 mu no, odzii konyim wɔ amansan ambatow no mu dze ma NPP amanyɛkuw no wɔ mpasuar hɔ ara. Ne mpasuar no ka mbrahyɛbagua dzibew anaa ngua eduasa anan a NPP amanyɛkuw no nyae dze fi ngua eduasa akorɔn no mu wɔ ambatow a ɔkɔr do wɔ Asante Mantɔw mu. New Patriotic Party amanyɛkuw no nyaa dɔm-kumaa dzibew a nna ɔyɛ mbrahyɛgua atsenae ɔha nye akorɔn dze fi atsenae ahaebien nye eduasa no mu. Wogyinaa mba 46,785 a onyaa fir mba dodow 75,085 no mu paaw no. Nna iyi gyina hɔ ma 62.31%. Wosiaan Mohammed Issifu a ɔyɛ People's National Convention kuwba, John Alexander Ackon a ɔyɛ National Democratic Congress kuwba, Elyass Abdulsalam a ɔyɛ Democratic Freedom Party kuwba, David Kenyah a ɔyɛ Convention People's Party kuwba na Albert Joseph Ababio a ɔyɛ Reformed Patriotic Democrats ho paaw no. Mba a wobyae yɛ 331, 26,169, 147, 1,501 na 152 dze fi mba dodow no mu. Nna iyi gyina hɔ ma 0.44%, 34.85%, 0.20%, 2% and 0.2% dze fi mba dodow no mu.

Afe 2012 mu no, odzii konyim wɔ amansan ambatow no mu bio wɔ mpasuar hɔ ara. Wogyinaa mba 24,212 dze fi mba dodow 40,985 no mu paaw no. Nna iyi gyina hɔ ma 59.08%. Wosiaan Abdul-Lateef Majdoub ofi National Democratic Congress kuw no mu, Frank Aboagye Danyansah a ɔyɛ Progressive People's Party kuwba, Hanim Ishaq a ɔyɛ People's National Convention kuwba na Edward Ahey a no so yɛ National Democratic Party kuwba paaw no, Mba a wonyae yɛ 15,381, 899, 206 na 287 a ogyina hɔ ma 37.53%, 2.19%, 0.50% and 0.70% dze fi mba dodow no mu.

N'abrabɔ

Ennin awar kitsa mba ebiasa. ɔyɛ kristianyi na ɔnye Mɛtɔdis asɔr no bɔmu som.

Nhwɛdo