Dzigbordi Dosoo
Dzibordi Dosoo
sesa muDzigbordi Dosoo yɛ Ghananyi basia bi a n'ano akwokwaa wɔ ɔkasa mu, ɔsan so yɛ obi edwumayenyi. Afei so ɔma dɔm akwankyerɛ fa edwuma, nyimpa nkitsahodzi ho nna dza ɔkeka ho ho. Ɔsan so dzi kasa ho dwumadzi wɔ tɛlɛbihyɛn do a wɔfrɛ no The Dzibordi Show. Woyi dɛm kasadwumadzi yi wɔ aman eduanan-esia (46) mu wɔ Ebibiman mu, Ngyiresi Aborɔkyirman mu (United Kingdom) nna Europe (Aborɔkyir). Ɔka ho ma wɔyɛɛ Kanshi. Kanshi yɛ ahuofɛ na wer ho aromatherapy na spa line guadziho ndzɛmba. Ɔno so na ɔdze edwumakuw a wɔfrɛ no Allure Africa bɔbɔɔ adze.
No Skuul ho Nsɛm
sesa muDosoo Kɔr nsɔwdo skuul wɔ Accra Girls Senior High School. Ɔkɔr Suapɔn a wɔfrɛ no Virginia State University a ɔwɔ USA. Hɔ na onyaa Esuapɔn mu krataa (degree) wɔ Sikasɛm na Nkontaabu mu. Ɔsanee so kɔr Harvard University wɔ USA hɔ ara so bio.
N'edwuma ho Nsɛm
sesa muWɔ aber a nna wɔayɛ edwuma wɔ nkontaabu mu mfe du no, ɔhyɛɛ ase dɛ ɔdze nara ankasa n'edwuma a ɔyɛ spa business robɔbɔ adze. Ɔtɔ do bio, osiesiee n'edwuma a wɔfrɛ no Business Linkages International a wɔ afe 2004 mu no ɔbɛyɛɛ Eagle Group. Wɔ afe 2010 so mu no, krataa wɔfrɛ no Women's Wear Daily kaa nkuranhyɛsɛm n'obiedwuma Kanshi ho. Wɔ afe 2014 mu no, n'edumakuw ebien yi nyinaa nyaa beebi gyinae wɔ United States gua do.
N'abrabɔ mu Nsɛm
sesa muƆwar Lionel Van Lare Dosoo a woenya ne Nyame frɛ. Nna dɛm banyin yi yɛ panyin abedzi ekyir a ɔhwɛ Ghana sikakurabea pɔn do. Dosoo wɔ ba kortsee.
Abawdobɔdze
sesa mu- 2009 "Marketing Woman of the Year", Chartered Institute of Marketing, Ghana(CIMG) na wɔdze maa no.
- 2017 "Inspiration Award - Heart of Beauty and Innovation" nna "Repêchage President’s Award", Repechage Annual Conference,New York City
- 2019 Wɔbɔɔ ne dzin dɛ ɔfata Women's Choice Awards Africa, "The Boss Lady of the Year" nkyekyemu no mu.