David Yaw Mensah

David Yaw Mensah yɛ Ghana amanyɛnyi a nna ɔyɛ mbrahyɛbaguanyi wɔ Atebubu North ambatow mpasua do wɔ Brɔn na Ahafo Mantɔw mu wɔ Ghana. Nna ɔyɛ mbrahyɛbaguanyi wɔ mbrahyɛbagua fie a otsia ebien na ebiasa wɔ "4th Republic" mu.

Ɔbra ahyɛase ne nwomasua

Wɔwoo Mensah wɔ Sanda wɔ mfe apem ahankron eduanan ebiasa(1943) mu. Ɔkɔr skuul wɔ Presby ntsetsee College a ɔwɔ Akropong wɔ Epuei Mantɔw mu wɔ Ghana. Hɔ na onyaa Akyerɛkyerɛfo ntsetsee ho abɔdzin krataa.

Amanyɛsɛm

Mensah yɛ NDC amanyɛkuw mu ba. Woyii no dɛ mbrahyɛbaguanyi a ogyina hɔ ma Atebubu North ambatow mpasua wɔ Brɔn na Ahafo Mantɔw mu wɔ mbrahyɛbaguafie a otsia ebien na ebiasa wɔ "4th Republic" mu. Emmanuel Owusu Mainu na obesii n'anan mu ber a wɔsesaa ambatow mpasua no bɛyɛɛ no Atebubu-Amantin ambatow mpasua wɔ mfe mpem na anan(2004) no mu wɔ Ghana ambatow a wɔtoo no dɛm ber no mu.

Ambatow

Mensah dzii kan baa mbrahyɛbaguafie a odzi kan wɔ "4th Republic" mu wɔ Ghana wɔ Sanda bosoom da ɔtɔ esuon wɔ mfe apem ahankron eduokron ebiasa(1993) ber odzii nkonyim wɔ mfe apem ahankron eduokron ebien(1992) amba a wɔtoo no wɔ Mumu bosoom da ɔtɔ do eduonu akron(29 December) mu.

Woyii no dɛ mbrahyɛbaguanyi wɔ Atebubu North ambatow mpasua wɔ mfe apem ahankron eduokron esia(1996) Ghana ambatow no mu. Ɔdze amba a ɔyɛ 22,140 a ɔyɛ ɔha nkyekyɛmu eduoanan esuon ekyir pɔw eduoanan(47.40%). Ɔsanee nso gyinaa bio wɔ mfe mpem ebien ambatow no mu. Odzii nkonyim wɔ NDC amanyɛkuw ne dzin mu. N'ambatow mpasua ka ngua esuon a NDC amanyɛkuw nyaa wɔ ngua dodow a ɔyɛ eduonu biako wɔ Brɔn na Ahafo Mantɔw mu. NDC amanyɛkuw no nyaa dɔm a hɔn dodow yɛ eduokron ebien fir dodow a ɔyɛ ahabien wɔ mbrahyɛbaguafie a otsia ebiasa wɔ "4th Republic" mu. Onyaa amba dodow a ɔyɛ 13,229 fir 29,893 mu. A ogyina hɔ ma ɔha nkyekyɛmu 44.6%. Onyaa amba sen Joseph Kwabena Manu a ɔyɛ "independent candidate", Winston Samuel Binabiba a ɔyɛ "National Reform Party" amanyɛkuwnyi,Mahama Ikunjoony a ɔyɛNew Patriotic Party amanyɛkuwnyi,Francis Kwabena Dorkoseh a ɔyɛ "People's National Convention" amanyɛkuwnyi na Niekuu Bayor Franklin a ɔyɛ "Convention People's Party". Hɔn amba a wonyaa nye, 10,563, 533, 529 na 177. Iyinom gyina hɔ ma ɔha nkyekyɛmu a ɔyɛ,39.5%, 2.0%, 2.0% na 0.7%.

Ne gyezi

Mensah yɛ Kristonyi.