Dan Kwesi

Dan Kwasi Abodakpi (wɔwoo no afe apem ahaakorɔn eduonum ne bosoom Fankwa ne da a ɔtɔdo eduonu-esuon) yɛ Ghana amanyɛnyi na mbrahyɛbaguanyi wɔ mbrahyɛbagua a ɔtɔdo anan no wɔ kwasafoman a otsia anan no mu dze ma Keta mpasuardo wɔ Firaw mbewdo.

Ɔsoom dɛ aban ananmusinyi ma Eguadzi na Edwumayɛ (Minister of Trade and Industry) a abɛsen kɔ.

Ɔbra ahyɛase na nwomasua

Wɔwoo Abodakpi wɔ Keta wɔ Firaw mbewdo wɔ afe apem ahaakorɔn eduonum ne bosoom Fankwa ne da a ɔtɔdo eduonu-esuon mu. Onyaa ne nwomasua wɔ "University of Pennsylvania" na onyaa ne "Doctor of Philosophy". Ɔsanee kɔr Ghana suapɔn mu (University of Ghana) na onyaa ne "Bachelor of Science".

Edwuma

Abodakpi yɛ Kɛmekal mfiryɛfo (chemical engineer) na afei nna ɔyɛ mbrahyɛbaguanyi wɔ mbrahyɛbagua a otsia anan no wɔ kwasafoman a ɔtɔdo anan no mu wɔ Ghana dze ma Keta mpasuar wɔ fitsi afe apem ahaakorɔn eduokorɔn-esuon kesi afe apem ahaebien na akorɔn mu.

Amanyɛsɛm

Abodakpi yɛ NDC amanyɛkuwba. Wɔpaaw no dɛ mbrahyɛbaguanyi wɔ mbrahyɛbagua a odzikan no wɔ kwasafoman a otsia anan no mu wɔ afe apem ahaakorɔn eduokorɔn-ebiasa wɔ ber a odzii kunyim wɔ afe apem ahaakorɔn eduokorɔn-ebien ne bosoom Mumu ne da a ɔtɔdo eduonu-akorɔn Ghana mbrahyɛbagua abatow no mu.

Ekyir no wɔsaan yii no dɔ mbrahyɛbaguanyi wɔ mbrahyɛbagua a ɔtɔdo ebien no wɔ kwasafoman a otsia anan no mu wɔ Ghana wɔ afe apem ahaakorɔn eduokorɔn-esia no bosoom Mumu Ghana asahen abatow no baa ewiei no.

Woyii Abodakpi dɛ mbrahyɛbaguanyi wɔ Keta mpasuar wɔ afe apem ahaebien Ghana asahen abatow no mu. Odzii kunyim wɔ NDC amanyɛkuw no akwanya ahoma do.

Mbrahyɛbagua dzibew du-akorɔn mu no, nna Abodakpi ne mpasuar ka dzibew du-esuon a NDC amanyɛkuw no tumii fae noho wɔ abatow a ɔkɔr do dɛm afe no wɔ Firaw mbewdo no ho. NDC amanyɛkuw no nyaa Dɔm-kuma mbrahyɛbagua dzibew eduokorɔn-ebien dze fii mbrahyɛbagua dzibew ahaebien no mu wɔ mbrahyɛbagua a ɔtɔdo ebiasa no wɔ kwasafoman a otsia anan no mu.

Wɔdze mba 25,853 yii no. Nna mba yi gyina hɔ ma 90.9% dze fi mba papa no mu. Wɔsaan Chris Archmann-Ackummey "National Reformed Party" kuwba, Emmanuel K. Vorkeh a ɔyɛ Ɔson amanyɛkuwba (New Patriotic Party), Gladys Adzo Tsikpo a ɔyɛ "Convention People's Party" kuwba na Ferdinand Fiawoo-Piccolo a ɔyɛ "People's National Convention" kuw no ananmusinyi ho paaw Abodakpi.

Mba a nyimpakuw yi nyae yɛ 898, 847, 519 na 244 dɛ mbrɛ hɔn edzin no dzidzi do no. Mba yi gyina hɔ ma 3.3%, 3.1%, 1.9% na 0.9% pɛpɛɛpɛr.

N'abrabɔ

Abodakpi yɛ Kristianyi.