Christine Churcher

Christine Churcher yɛ amanyɛnyi a odzi nyim wɔ Ghana no mu kor. Nna ɔyɛ mbrahyɛbaguanyi ma Cape Coast ambatow mpasua a ɔwɔ Finimfin Mantɔw mu wɔ Ghana. Mbrahyɛbagua a ɔtɔ do ebien, ebiasa, anan na enum mu wɔ Ghana no, nna odzi mu akotsen

Abrabɔ ahyɛase na nwomasua

Wɔwoo Churcher wɔ Fankwa 21, 1954. Ɔkɔr skuul wɔ Kwesi Plange Primary Skuul a wɔsan frɛ no Pere Planque Memorial Preparatory Skuul wɔ Cape Coast fitsi afe 1959 kesi 1965 mu. Afe 1965 na 1972 ntamu no, ɔkɔtoaa do wɔ Mfantseman Mpanyin Nsɔwdo Skuul. Afe 1975 na 1978 ntamu no, Churcher kosuaa Borɔfo Kasa na Abakɔsɛm wɔ University of Ghana. Owie no, ɔtoaa do suaa adze faa mpanyimfo ho.

Edwuma

Churcher yɛ ɔmanyɛnyi wɔ Ghana. Oedzi asoafo ndwuma ahorow pii wɔ Ghana. Oedzi dwuma dɛ Ɔsoafo a ɔhwɛ Ndzɛmba a etwa hɛn ho ehyia na Nyansahun do. Ɔasan asom dɛ Akwankyerɛfo a wɔhwɛ Ghana Gyaframa Edwumakuw do no mu kor. Ɔayɛ Ɔsoafo a ɔhwɛ Ɔman no Nwomasua do pɛn.

Amanyɛsɛm

Churcher egyina ama Cape Coast ambatow mpasua a ɔwɔ Finimfin Mantɔw mu wɔ Ghana wɔ mbrahyɛbagua a ɔtɔ do ebien, ebiasa wɔ Ghana.

Abatow

Ber a odzi kan a wɔdze paaw Churcher kɔr mbrahyɛbagua mu maa Cape Coast ambatow mpasua a ɔwɔ Finimfin Mantɔw wɔ Ghana no namNew Patriotic Party do, ber a wɔtoow amba kɛse wɔ Ghana wɔ Mumu 1996 mu. Hɔn a wɔtoow amba no dodow yɛ 56,428, no mu 30,496 toow maa Churcher. Iyi kyerɛ dɛ onyaa ɔha mu nkyɛmu eduanan esia ekyi pɔ eduonu. Ɔdze dzii ne kansinyi S.Valis-Akyianu a ofi NDC amanyɛkuw mu no do nkonyim. Ɔno so nyaa amba 25, 932.

Wɔpaaw Churcher dɛ mbrahyɛbaguanyi maa Cape Coast Anaafo ambatow mpasua namNew Patriotic Party do wɔ Ghana mbrahyɛbagua a ɔtɔ do ebiasa mu wɔ ambatow kɛse a ɔkɔr do wɔ afe 2000 mu. Ɔdze amba 31, 573 a ɔkyerɛ ɔha mu nkyɛmu eduonum enum ekyi pɔ eduosuon dzii ne kansinyi no do nkonyim. Wɔsan paaw no dɛ mbrahyɛbaguanyi wɔ Ghana mbrahyɛbagua a ɔtɔ do anan ber a wɔtoow Ghana ambatow kɛse wɔ afe 2004 mu. Ɔsoom dɛ mbrahyɛbaguanyi maa Cape Coast ambatow mpasua fitsi Sanda 7, 2005 kesi Sanda 6, 2009. Hɔn a wɔtoow amba no yɛ 70, 866, no mu 36, 264 toow amba maa no. Yɛdze toto amba a wɔtoow no a, onyaa ɔha mu nkyɛmu eduonum kor ekyi pɔ ebien. Hɔn a odzii hɔn do nkonyim nye: MacDonald Konns Tongo a ofi People's National Convention amanyɛkuw mu, Ebo Barton-Oduro a ofi National Democratic Congress na Araba Bentsi-Enchill Safohen a ofi Convention People's Party amamyɛkuw mu. Yɛhyehyɛ no ndzidzi do a, nyia odzi kan no nyaa ɔha mu nkyɛmu hwee ekyi pɔ awɔtwe, nyia otsia ebien no nyaa ɔha mu nkyɛmu eduanan anan ekyi pɔ enum na nyia otsia ebiasa no so nyaa ɔha mu nkyɛmu ebiasa ekyi pɔ enum. Churcher kɔr mbrahyɛbagua mu dze namNew Patriotic Party do. Dɛm ambatow no mu no, n'ambatow mpasua no kaa ambatow mpasua duesia aNew Patriotic Party dzii do nkonyim wɔ Finimfin Mantɔw wɔ dɛm ambatow no mu. Ne nyina mu no,New Patriotic Party nyaa egua ɔha eduonu awɔtwe wɔ mbrahyɛbagua a ɔtɔ do anan no mu wɔ Ghana.