Catherine Afeku

human
Bɔbea	female
Ɔman a ofir do	Ghana
Dzin a wɔdze ama no	Catherine
Da a wɔwoo no	27 Obiradzi 1967
Bea a wɔwoo no	Axim
Languages spoken, written or signed	English
N'edwuma	politician, marketer
Dzibew	Member of the 7th Parliament of the 4th Republic of Ghana, Member of the 5th Parliament of the 4th Republic of Ghana, Minister of Tourism of Ghana
Educated at	DeVry University
Member of political party	New Patriotic Party
Religion or worldview	Christianity

Catherine Ablema Afeku (wɔwoo no Obiradzi 27, afe 1967) yɛ Ghana amanyɛnyi. Ɔyɛ Ɔman Ho Dɔ Kuw Foforo (New Patriotic Party) no munyi na Mbrahyɛ Bagua no munyi ma Evalue Gwira Mansin a ɛwɔ Atɔe Fam Mantɔw (Western Region) no mu. Na ɔyɛ kabinet soafo wɔ Ɔmanpanyin Nana Akuffo-Addo aber do na ɔsom dɛ Ghana Nsrahwɛ, Amambra ne Adzebɔ ho Ɔsoafo fir Kwakwar 2017 kɔsi Kwakwar 2019.

Wɔsesaa no fir Ministry of Tourism mu kɔɔ Presidency of the Republic of Ghana wɔ 28 Kwakwar 2019.[4] Mprɛmprɛn ɔyɛ Ɔman Soafo wɔ Ɔmanpanyin Dwumadzibea, a wɔdze no ahyɛ Ɔsomfo Panyin Dwumadzibea.

Ɔbra Ahyɛse Na Nwomasua

Wɔwoo no wɔ Axim wɔ Atɔe Fam Mantɔw (Western Region) mu. Ɔnyaa Master of Business Administration wɔ Keller Graduate School of Management a ɔwɔ DeVry Esuapɔn mu wɔ Atlanta, Georgia wɔ afe 2000 mu.[6]

N’edwumasɛm

Afeku nye wiadze nyinara sikakorabew ayɛ edwuma pɛn na Stico fangow a ɔwɔ Kenya, hɔ no ɔyɛɛ edwuma dɛ edwuma mpontu fotufo. Wɔsan so faa no edwuma mu wɔ Lingua Skuul a wosua kasahor a ɔwɔ Brescia, Italy. 2000 n’ahyɛase mu no, ɔbɛyɛɛ Ghana Aban kasamafo dze ma adansi ho nsɛm wɔ John Agyekum Kufour n’amambu mu.

Amanyɛsɛm

Afeku huraa amanyɛsɛm mu 2000 n’ahyɛse wɔ John Agyekum Kofour n’aban mu. Nna ɔyɛ aban kasamafo fa adansi ho.

Mbrahyɛbaguanyi

Ogyinaa 2008 abatow no maa Evalue Gwira abatow mpasoado. Odzii nkunyim wɔ nyimpa a nna osido dada no do, Kojo Armah a ofi Convention People’s Party mu dɛ onyaa aba 11,671. Wɔ mbrahyɛbagua enum a ɔwɔ amambu a ɔtɔdo anan no mu no, ɔsom ɔka ahyɛase no akwan na akwantu kuw ho na ekyir yi ɔbɛyɛɛ abadziekyir wɔ dawurbɔ kuw ho. Ekyir yi ɔbɛkaa Bisinɛse kuw a ɔwɔ mbrahyɛbaguafie ho. Odzii nkugu wɔ 2008 dɛ ogyinaa dɛ wɔnto aba mma no na ɔmbɛyɛ mbrahyɛbeguanyi bio. ɔsan so gyinaa bio wɔ 2016 mbrahyɛbagua abatow no mu hɔ na odzii nkunyim wɔ odzii nkunyim wɔ nyimpa osi do no, Kweku Tanikyi Kesse a ofi NDC mu, onyaa aba 11,641 fir 20,179 mu a ɔkyerɛ ɔha mu nkyekyɛ mu 57.7% wɔ abatow no nyinara mu.

ɔsoafo a ɔhwɛ nsrahwɛ do

Wɔ Sanda 2017 mu no, ɔmampanyin Akkufo-Addo yii Afeku dɛ ɔmfa dzibew dɛ ɔbɛyɛ ɔsoafo a ɔhwɛ nsrahwɛ do. Dɛ ɔyɛ Soafo a ɔhwɛ nsrahwɛ do no, otuu akwan kɔr mbeambea nsrahwɛ wɔ no ɔman yi mu na mbea mpo a nsrahwɛ botum akɔ hɔ.

Wɔ ɛbɔw 2017 mu no, otuu kwan kɔr China, hɔn na ɔnye hɔn a wɔdze hɔn sika hyɛ dwumadzi bi mu hyiae na ɔdaa nsrahwɛ bea na adzeyɛ na Ghanafohɔn amambra edzi.

Afeku woyii no dɛ guamutsenanyi maa kandzifo dwumadzifo dze ma United Nations wiadze afanaa nsrahwɛ kuw (UNWTO). Iyi wɔdaa no edzi wɔ Sanda 25, 2018 mu.

Woribeyi no ho ntsinoahyɛw

Ansaana mbrahyɛbaguafo wɔapaw hɔn wonyi no bedzi dɛm dwuma no, amandzɛɛbɔ bi baa dɛ Catherine na no kun yɛ wɔrobɔ ban wɔ birikyi akɔdo wɔ 2007 mu. Amandzɛɛbɔ kyerɛɛ dɛ Afekufo no Nkran High Court ahyɛ hɔn ketsee dɛ wontua $217,464.00 na 50% mfaso mma Amerika awarfo bi, Patricia na Bill Gick, wɔdze ewisɛm too hɔn do. Catherine na no kun enntum enndzi Kɔɔto nhyehyɛɛ no do. Nhyɛdo kuw bi a wɔfrɛ hɔnho dɛ nokwardzi na nkontaabu amambu dze too ɔmampanyin Akuffo- Addo enyim dɛ onyi no mmfi no soafo dzibew hɔ. Ber a kuw no bisaa no no, Afeku daa no edzi dɛ akatua nkɔi osiandɛ asɛm no ntsenado bio a wɔpɛɛ dɛ wɔyɛɛ no 2013 no amana woribetsie; no dɛm ntsi, wonkotum ebu atsen.

No ngyentum a nyimpa a wɔapaw hɔn wɔ mbrahyɛbaguafie no kɔr do wɔ Kwarkwar 6, 2017. Wɔrogye no atomu no mu no, dɔm kumaa wɔwɔ mbrahyɛbaguafie no kaa dɛ onnyi ho kwan dɛ wɔgye no to mu osiandɛ ɔnsoom ɔman no afe kor. Dɛ woetum enngyina annyɛ mbrɛ ɔmambra hyɛ no no nye dɛ nna ɔwɔ Nairobi, Kenya, ɔnye n’awofo wɔ dɛm ber no. Wɔgyee no too mu wɔ Kwarkwar 11, 2017 ber a krataa onyaa fir ɔkyerɛwfo a ɔwɔ National Service asoɛe dze bɛkyerɛɛ nyimpa wɔapaw hɔn no. Ngyentum no wɔyɛɛ no nyimpa dodow kwan do.

Osoafo ɔnye aban no toto ndzɛmba

Wɔ Esusowa Aketseaba 2017 mu no, ɔmampanyin Akufo- Addo bɔɔ Afeku dzin kaa asoafo 19 a wɔbɔtsew kuw nye aban atoto ndzɛmba ho. Asoafo 19 no nyinara hɔn edzin no wɔdze kɔr Ghana mbrahyɛbaguafie na Kasafo a ɔwɔ fie hɔ, Rt. Hon. Prof. Mike Ocquaye bɔbɔe. Dɛ ɔyɛ soafo a ɔka aban noho no, Afeku nna ɔka aban no mu ankasa na ɔwɔ dɛ ɔboa wɔ adwenkyerɛ a noho hia ɔfa ɔman noho.

N’abrabɔ Mu Nsɛm

Catherine awar Seth Afeku na ɔno na ɔnye no awo mbofra ebiasa. ɔyɛ kristosomnyi na ɔka Catholic asɔr a ɔwɔ Ghana noho.