Barbara Mensah

Barbara Mensah

Article Talk

• Language
• Watch
• History
• Edit

Barbara Mensah yɛ British Tsɛmbuafo wɔ Ghana dzin mu. Ɔbɛyɛɛ Ebibirmu abɔse wɔ England na Wales 'circuit' tsɛmbuafo a odzi kan wɔ ber a wɔpaaw no kɔr South Eastern Circuit wɔ afe 2005 mu. Odur afe 2016 ne bosoom a ɔtɔ do du no mu no nyinara no nna ɔtse Crown Court egua mu wɔ Luton, England.

Barbara Mensah
Nationality	Ghanaian
Alma mater	University of Wales
Occupation	Judge

Ɔbra ahyɛse

Ghana na wɔwoo Mensah, odwumanyi a ɔatahye mapa ne babaa. Ɔtsenaa Ghana kesi dɛ onyaa mfe esia na otuu bata kɔr United Kingdom. Nna ɔyɛ nyimpa a odzii kan wɔ n'ebusua mu ɔakɔ Suapɔn mu ewie.

Nwomasua

Mensah suaa Philosophy wɔ University of Wales wɔ Swansea ansaana onyaa ɔsɛndzifo ntsetsee. Ɔsanso kɔr City University London na Queen Mary University London, a ne nyinara wɔ London.

Edwuma

Afe 1984 mu na wɔfrɛɛ Mensah kɔr asɛndzibea. Ɔkɔr do wɔ n'edwuma mu no ɔkɔbɔɔ n'asese na afei ɔkɔr do kɛhyɛɛ sikasɛm nsɔwano dwuma mu (Financial Services Tribunal). N'enyi bɛgyee atsɛmbu edwuma no ho ara yie. Afe 2003 mu no wɔpaaw no dɛ 'recorder'. Afe 2005 mu no, wɔpaaw no dɛ Circuit tsɛmbuafo wɔ south Eastern Circuit mu na mprenpren(2016) yi dze ɔyɛ circuit tsɛmbuafo wɔ Luton Crown Asɛndzibea, basia a odzi kan wɔ Ebibirmu a onyaa dɛm dzibea no. Afe 2015 mu no, wɔbɔɔ n'abawdo dɛ Juris Datser degree wɔ City University of London wɔ ahofama dwuma a odzii wɔ mbra edwuma no mu.

Mensah huu hia a ohia dɛ wobohu akyɛdze a ɔwɔ mbasiafo mu na kakra a wosuma ekyir dɛ wɔbɛyɛ fasusu ama asɛndzifo, kaa si do dɛ "dɛ ɔyɛ ehiadze ma amamfo no - kurowman no nyinara ka ho - na wobohu dɛ atsɛn bi wɔ hɔ a ohia wɔ edwuma no mu.