Anthony Evans Amoah

Anthony Evans Amoah yɛ Ghana amanyɛnyi na amandzɛɛbɔnyi a ogyinaa mu maa Wassa Epuei abatow mpasua ananmu wɔ mbrahyɛbagua fie a ɔtɔ do enum wɔ ebibiman a otsia anan no mu wɔ Ghana wɔ ber a wɔbɔɔ dawur dɛ ɔno na odzii konyim wɔ afe 2008 Ghana amansan abatow no mu.

Ɔbra Ahyɛse Na Nwomasua

Wɔwoo Amoah wɔ Ayɛwoho 8,1952. Ofi Mpohor kurow bi a ɔwɔ Ghana Anee Mantɔw mu. Onyaa ne Master of Philosophy wɔ Sociology mu wɔ afe 1995 mu na Master of Business Administration wɔ afe 2000 mu wɔ Ghana Suapɔn(University of Ghana) mu.

Edwuma

Amoah yɛɛ edwuma dɛ Nsɛnkyerɛwnyi na Dawurbɔnyi ansaana ɔrokɔ mbrahyɛbaguafie. Ɔsanee so yɛɛ edwuma dɛ Nyimpa Ndwuma do Hwɛdofo wɔ Graphic communication Group Limited.

Amanyɛsɛm

Afe 2004 Abatow

Wodzii kan paaw Amoah dɛ mbrahyɛbaguanyi wɔ afe 2004 Ghana Amansan Abatow mu. Wɔpaaw no dɛ Mpohor Wassa Epuei afamu abatow mpasuar a ɔwɔ Anee Mantɔw mu. Ɔnam dɛm do gyinaa abatow mpasua no ananmu wɔ Ghana republic a ɔtɔ do anan(4th Republic) no mu.

Wɔdze amba dodow a ɔyɛ 19,635 na wɔpaw no wɔ amba dodow a wɔtoo a ɔyɛ 40,736 mu. Iyi gyina hɔ ma ɔha nkyɛm eduanan awɔtwe ekyir pɔw ebien(48.2%). Wɔpaw no sen David Ansah a ofi People's National Convention, Joseph Kobina Danyame a ɔyɛ National Democratic Congress amanyɛkuwnyi na Mary Ankomah a ɔyɛ Convention People's Party amanyɛkuwnyi. Iyinom nyaa 1%,24.6% na 26.2% amba a wɔtoo a ɔfata. Wɔpaw Amoah wɔ NPP amanyɛkuw ne dzin mu.

Ɔyɛ NPP amanyɛkuw ba. Ɔyɛɛ Anee Mantɔw Suafo wɔ John Kufuor aban mu kesi afe 2008 ansaana orisi akan dɛ mbrahyɛbaguani wɔ Wassa East abatpw mpasua do wɔ Anee Mantɔw mu. Wɔ afe 2008 Ghana amansan abatow mu no, odzii nkonyim wɔ ne mbrahyɛbagua a ɔdze amba dodow a ɔyɛ 16,014 fi amba 37,936 na ɔdze dzii nkonyim. Ogyinaa ananmu wɔ mpɛn kor pɛr.

Abrabɔ

Amoah awar wɔ mba beenum. Ɔyɛ Kristonyii wɔ Pentecost Asɔr.