Amadu Ali

Amadu Ali yɛ Ghana ɔmanyɛnyi san so yɛ Kyerɛkyerɛnyi. Ɔsoom dɛ kuwba wɔ mbrahyɛbagua dze maa "Atebubu South" ambatow mpasua a ɔwɔ Brɔn na Ahafo Mantɔw wɔ mbrahyɛbagua ɔtɔ do ebiena na ebiasa wɔ "4th Republic" wɔ Ghana.

Ali Bra Ahyɛse Na Nwomasua

Wɔwoo Ali wɔ Ayɛwoho bosoom da ɔtɔ do eduasa biako wɔ mfe apem ahankron eduonom ebiasa mu.Ɔkɔr "Temale Business Secondary School", a onyaa abɔdzin krataa a ɔyɛ "West African Examination Certificate" na n'ekyir no ɔkɔr Ogua Suapɔn so.

Amanyɛsɛm

Ali dzii kan baa aban mu wɔ ber a wɔrotow Ghana mbrahyɛbaguafo hɔn amba wɔ mfe apem ahankron eduokron ebien(1992) dɛ mbrahyɛbaguamunyi wɔ mbrahyɛbaguafie a odzi kan wɔ "4th Republic" mu wɔ Ghana wɔ NDC amanyɛkuw n'ananmu. Ali sanso bɛyɛɛ mbrahyɛbaguanyi wɔ mbrahyɛbagua fie a ɔtɔ do ebien wɔ "4th Republic" mu wɔ ambatow a wɔtoo wɔ Ghana wɔ mfe apem ahankron eduokron esia(1996) no mu. Mber no soo wɔ Sanda bosoom da ɔtɔ do esia wɔ mfe mpem ebien na kor(2001) no mu. Ɔsanso gyinae wɔ mfe mpem ebien(2000) ambatow no mu bio. Ambatow no mu nkyɛmu kɛse a ɔyɛ mpem ebiasa ahasia na eduanan enum(3,645) na onyaa dze dzii nkonyim. Ɔyɛɛ mbrahyɛbaguanyi dze maa Atebubu South ambatow mpasua wɔ National Democratic Congress(NDC) amanyɛkuw ne dzin mu, wɔ Sanda bosoom da a ɔtɔ do esuon wɔ mfe apem ahankron eduokron ebiasa(1993) dze kesii dɛ egua no fii ne nsa wɔ mfe mpem ebien na anan(2004) wɔ ber a wɔtoo amba ma Emmanuel Owusu Manu nyaa dzibew no, ber a nna waka ambatow mpasua no abɔmu ayɛ no Atebubu-Amantin ambatow mpasua.

Ambatow

Wɔ mfe mpem ebien na anan(2004) Ghana ambatow no mu no, Ali dze amba dodow a ɔyɛ mpemdu ahabien eduoanan enum(10,245) a ɔyɛ ɔha nkyekyɛmu eduonum ebien ekyir pɔw eduosuon(52.70%) fir amba dodow a ɔyɛ (19,430). Mumuni Ibrahim Mohammed a ogyinae maa NPP amanyɛkuw no nyaa mpem esia ahasia(6,600) a ɔyɛ ɔha nkyekyɛmu eduasa anan(34%). Nyimpa kor so a nna ɔka ho ma wɔreper egua no ɔwɔ NRP amanyɛkuw no mu a wɔfrɛɛ no George Kwasi Nyarko so nyaa apem ahasuon eduokron anan(1,794) a ɔyɛ ɔha nkyekyɛmu akron ekyir pɔw eduonu(9.20%). Anthony Kwame Amevor a ɔyɛ People's National Convention (PNC) amanyɛkuwba na Annor Z. Nikitins a ɔyɛ Convention People's Party (CPP) amanyɛkuwba na wɔkyɛɛ amba nkaa no. Wonyaa ahanum eduonu anan(524) a ɔyɛ ɔha nkyekyɛmu ebien ekyir pɔw eduosuon(2.70%) na ahabien eduosia esuon(267) a ɔyɛ ɔha nkyekyɛmu kor ekyir pɔw eduanan(1.40%).

Ɔsoom

Ali yɛ Nkramonyi( Muslim).