Ama Benyiwa Doe

Ama Benyiwa-Doe (a ne dzin ankasa dze Comfort Saah 1950); nna ɔyɛ Ghana mbrahyɛbaguanyi a ɔsoom dɛ Mansin Nanmusinyi wɔ finimfin mantɔw mu.

N'abrabɔ ahyɛse

Benyiwa-Doe yɛ obi a wɔwoo no wɔ Gomua atɔree wɔ finimfin mantɔw mu.

Nna ɔyɛ mbrahyɛbaguanyi dze ma Aban a nna ɔtɔdo ebiasa wɔ National Democratic Congress (NDC) dzin mu maa Gomua Atɔree mpasua do, dɛm ntsi odzii aban mu guamutsenanyi fitsi afe 1992 kesi afe 2004.

N'edwuma na Amanyɛsɛm

Nna Ama yɛ nyimpa a odzi kan a woyii no kɔr mbrahyɛbaguafie mu wɔ afe December 1992 ber mu wɔ Ghana abatow kɛse no mu wɔ National Democratic Congress tum ase dɛ Gomua Atɔree mpasua do mbrahyɛbaguanyi wɔ finimfin mantɔw mu.

1996 abatow no rokɔ do no, ɔfaa mba 17,504 fii mba 33,955 wɔ mba dodow no mu a ogyina hɔ ma 35.60% dze tsiaa Joyce Aidoo a ɔyɛ NPP ananmusinyi a onyaa mba 10,866, Samuel Attah-Eyison a onyaa mba 4,827 na Oduro Baffoe, a ɔyɛ NCP ananmusinyi, onyaa mba 758.

Ama dze mba 12,995 a ogyina hɔ ma 46.30% fir mba 28,089 mba dodow ne nyinara mu dze dzii kunyim wɔ afe 2000 mu dze tsiaa Benjamin Kojo Acquah, NPP kuwba nyaa mba 11,248, Kofi Amissah Essandoh, a ɔyɛ CPP kuwba nyaa mba 2,468 nna Muhammed M. Kassim, a ɔyɛ NRP kuwba so nyaa mba 1,378.

Ɔmampanyin Evans Fiifi Ata Mills nam tum do yii Ama wɔ afe 2009 ne bosoom Sanda mu dɛ Finimfin Mantɔw Nanmusinyi wɔ Ghanaman mu, ɔbɛyɛɛ Aban ananmusinyi wɔ afe 2009 ne bosoom Sanda kesi afe 2012 dze maa finimfin mantɔw mu wɔ Ghana. Nna ɔyɛ Ɔman yi ananmusifo no mu kuwba.

Ama bɛyɛɛ aban mu guamutsenanyi maa Gomua Atɔe mpasuardo fitsi afe 1992 kesi afe 2004 mu a Joe Kingsley Hackman a ɔwɔ New Patriotic Kuw mu botuu no adze do wɔ afe 2004 Ghana abatow mu a nna ne mba dodow a onyaa no yɛ 23,663 ogyina hɔ ma 63.20% wɔ mba dodow no mu dze tsiaa no (Ama), na ne mba no yɛ 12,165 a ogyina hɔ ma 32.50% wɔ mba dodow no mu.

Hɔn a wɔka akansi no ho; Joseph Assan Sackey a ɔyɛ Convention Peoples Party kuw no ho dwiir mba 863 a ogyina hɔ ma 2.30% wɔ mba no nyinara mu, Muhammed Mutawakil Kassim a ɔyɛ National Reform Party kuwba so nyaa mba 533 a ogyina hɔ ma 2.30% wɔ abatow no nyinara mu na John Thompson a nna ɔka Great Consolidated Popular Party kuw no ho so ker mba 216 a ogyina hɔ ma 0.60% wɔ abatow no nyinara mu. Ama toaa no dwumadzi do maa National Democratic Congress kuw no dɛ Ɔman no nyinara mu mbaa no hɔn boanonyi.

Nna Ama sanso yɛ kuwba wɔ Pan-African Mbrahyɛbaguamu.

Nwomasua

Ama kɔr L.A. Middle Skuul na hɔ na onyaa n'abawdobɔdze a ɔyɛ GCE Ordinary Level Adansedzi-krataa. Ɔtoaa do wɔ Nkran Edwumayɛfo Kɔlegyi na hɔ so na onyaa ne GCE Advance Level Adansedzi-Krataa ansaana orikefir M.I. Kaliun Skuul a ɔdze kenyaa ne Diploma degree abawdobɔdze.

No wu

Nyimpa yɛ dɛw naaso ne nam na wɔnnwe. N'edwuma yi nyinara ekyir no fofie annto Ata, Ama akɛka no bɔfoe ho. Owui wɔ afe 2021 mu ne bosoom Fankwa mu wɔ ne da a ɔtɔ do duakron wɔ Tema. Nna Ama etwa no bɔfoe nda anaa mfe a ɔhyehyɛɛ too hɔ maa ɔdasanyi biara no ma afe kor mpo abɛka ho. Odzii mfe eduokron-biako.

Dzin pa a ogyae wɔ ekyir: Hɛn Mampanyin dadaw John Mahama nyaa gyedzi wɔ no mu osian Ama ne mbanyinndam ntsi. Mampanyin John Mahama ne nyimdzee mu no, ɔba no mbaa amambu a, nna Ama Benyiwa Doe yɛ ndam wɔ ho ankasa, na afei, mbaa ho fahodzi kyeame.