Alhaji Abdulai Salifu

Alhaji Abdulai Salifu yɛ Ghana ɔmanyɛnyi na nkan mbrahyɛbaguanyi dze ma Tolon abatow mpasuar wɔ Ghana. Nna ɔyɛ mbrahyɛbaguanyi mbrahyɛbagua a odzi, ebien na ebiasa do wɔ 4th Republic wɔ Ghana.

Ɔbra ahyɛse ne nwomasua

Wɔwoo Salifu wɔ afe apem ahaakorɔn eduanan-ebiasa ne bosoom Obiradzi ne da a ɔtɔdodu-akorɔn wɔ Etsifi mantɔw mu wɔ Ghana. Ɔkɔr skuul wɔ "University of Ghana na okosuaa 'Geography na Political Science" na onyaa ne "Bachelors degree in Arts". Ɔkɔr skuul so wɔ Presby Training Kɔlegyi na onyaa ne Akyerɛkyerɛfo Ntsetsee Abawdobɔdze.

Edwuma

Salifu yɛ Amanyɛsɛm Kyerɛkyerɛnyi na mbrahyɛbaguanyi a abɛsen kɔ dze ma Tolon mpasuar wɔ Etsifi mantɔw mu wɔ Ghana.

Amanyɛsɛm

Salifu yɛ NDC amanyɛkuwba. Odzikan no wɛpaaw no kɔr mbrahyɛbaguafie wɔ afe apem ahaakorɔn eduokorɔn-ebien Ghana mbrahyɛbagua abatow no mu dɛ kuwba wɔ mbrahyɛbagua a odzikan no wɔ 4t Republic no mu na wɔsanee paaw no wɔ afe apem ahaakorɔn eduokorɔn-esia Ghana amansan abatow no mu, wɔkaa ntam guu no do wɔ mbrahyɛbaguafie afe apem ahaakorɔn eduokorɔn-esuon ne bosoom Sanda ne da a ɔtɔ do esuon mu.

Ɔdze mba 14,545 a nna ogyina hɔ ma 45.00% dzii Alhassan Abukari Baako a ɔyɛ NPP amanyɛkuwba no do kunyim wɔ ber a Alhassan nyaa 32.40% na Mohammed Zakaria Nabila a ɔyɛ CPP amanyɛkuwba no nyaa 1.50%.

Wɔsanee paaw Salifu dɛ mbrahyɛbaguanyi wɔ Tolon mpasuar wɔ afe apem ahaebien Ghana amansan abatow no mu. Wɔpaaw no wɔ NDC amanyɛkuw no akwanya ahoma do. Mbrahyɛbaguafie ngua eduonu-ebiasa mu no, nna ne mpasuar ka ngua du-awɔtwe a NDC amanyɛkuw no kantann do wɔ Etsifi mantɔw mu no ho.

Mbrahyɛbaguafie dzibew ahaebien mu, NDC amanyɛkuw no tumii faa Dɔmpem dzibew a ɔyɛ eduokorɔn-ebien wɔ mu wɔ mbrahyɛbagua a ɔtɔdo ebiasa wɔ 4th Republic no mu. Wɔpaaw no wɔ ber onyaa mba 11,740 dze fii mba papa 24,690 no mu.Nna iyi gyina hɔ ma 49.3%.

Wɔsaan Alhassan A. Baako a ɔyɛ New Patriotic kuwba, Samson Hussein Salifu a ɔyɛ Convention People's Party no ananmusinyi, Mohammadu N. Togmah a ɔyɛ "People's National Convention" kuwba na Adam Alhassan a ɔyɛ "United Ghana Movement" kuwba ho paaw Alhaji

Mba a nyimpakuw yi nyae yɛ 8,701, 2,751, 420 na 208 dɛ mbrɛ wɔahyehyɛ edzin no dze fi mba a ɔfata no mu. Nna iyi gyina hɔ ma 36.5%, 11.5%, 1.8% na 0.9% pɛpɛɛpɛr dze fi mba a ɔfata no mu. Umar Abdul-Razak na ɔbɛhyɛɛ n'anan wɔ afe apem ahaebien na anan Ghana asahen abatow no mu.

Ɔpamfo edwumason

Afe apem ahaebien na akorɔn mu no, Ɔmampanyin John Evans Atta Mills yii Salifu dɛ Ghana Ɔpamfo kɔr Saudi Arabia.

N'abrabɔ

Salifu dɔm Nkramosom no (Kramonyi).