Alex Kyeremeh

Alex Kyeremeh yɛ mbrahyɛbaguanyi dze ma Techiman North wɔ Brɔn na Ahafo mantɔw no mu wɔ Ghana.

Ɔbra Ahyɛse Na Nwomasua

Wɔwoo no wɔ Fankwa 7,1962. Ofi Krobo-Techiman wɔ Brɔn na Ahafo mantɔw mu.

Wɔ 2002 mu no, ɔkɔr skuul wɔ 'Ghana Institute of Management na Public Administration hɔ na ɔyɛɛ ne Bachelor of Science in Accounting and Finance'. Wɔ 2015 mu no, onyaa abɔdzin krataa wɔ 'Management ɔno so wɔ Ghana Institute of Management and Administration.

Edwuma

Nna Kyeremeh yɛ managing director wɔ Freda and Rose Limited. Ɔasom dɛ Mansin mu Soafo wɔ Techiman Mansin no mu fitsi Ebɔbira 2009- Sanda 2013. Kyeremeh yɛ Accountant na Financial Officer.

Amanyɛsɛm

Kyeremeh yɛ kuw ba wɔ National Democratic Congress amanyɛkuw nyi. Wodzii kan paw no dɛ mbrahyɛbaguanyi dze ma Techiman North abatow mpasua do wɔ 2004 Ghana amansan abatow no mu. Ɔnam do ma ogyinaa abatow mpasua no mu wɔ mbrahyɛbagua fie a ɔtɔ do anan wɔ 4th republic wɔ Ghana. Wɔdze abatow 12,877 na wɔdze paw no wɔ amba a wɔtoo nyiana a ɔyɛ 24,731 mu. Iyi yɛ ɔha nkyɛm 52.1% wɔ aba dodow a wɔtoo mu. Wɔpaw no sen Christopher Ameyaw Akumfi a ɔyɛNew Patriotic Party amanyɛkuw nyi na Kofi Kwaw Sarpong a ɔyɛ ankorankor amanyɛkuw nyi. Iyinom nyaa 11,447 aba na 407 aba pɛpɛɛpɛ wɔ aba a wɔtoo mu. Iyi yɛ ɔha nkyɛm 46.3% na 1.6% pɛpɛɛpɛ. Kyeremeh dzii nkonyim wɔ National Democratic Congress amanyɛkuw ne dzin mu. N'abatow mpasua no ka mbrahyɛbagua ngua du(10) wɔ ngua eduonuanan(24) a National Democratic Congress amanyɛkuw no nyaa wɔ Brɔn na Ahafo Mantɔw mu wɔ dɛm abatow no mu. Ne nyinara mu no,National Democratic Congress amanyɛkuw no nyaa dɔm kuma ngua a ɔyɛ eduokron anan(94) wɔ ngua dodow a ɔyɛ ahabien eduasa(230) mu wɔ mbrahyɛbagua fie a ɔtɔ do anan wɔ 4th Republic mu wɔ Ghana.

Wɔsan paw no dɛ mbrahyɛbaguanyi dze ma Techiman North abatow mpasua do wɔ 2012 Ghana amansan abatow no mu. Ɔsan so gyinae maa n'abatow mpasua do wɔ mbrahyɛbagua fie a ɔtɔ do esia wɔ 4th Republic mu wɔ Ghana. Onyaa aba 16,537 wɔ 30,876 mu. Iyi yɛ ɔha nkɛm 53.56% wɔ aba dodow no mu. Wɔpaw no sen mbrahyɛbaguafo bi tse dɛ, Christopher Ameyaw Akumfi a ɔyɛNew Patriotic Party amanyɛkuw nyi, Kwakye Kofi a ɔyɛ Progressive People's Party nyi, Agartha Ampomaa a ɔyɛ Convention People's Party nyi na Agyemang Badu Opambour a ɔyɛ National Democratic Party nyi. Iyinom nyaa mba a ɔyɛ 13,727, 155, 337 na 120 pɛpɛɛpɛ. A ɔyɛ ɔha nkyɛm 44.46%, 0.5%, 1.09% na 0.39% wɔ aba dodow a wɔtoo mu.Ɔsan paw Kyeremeh wɔ National Democratic Congress amanyɛkuw ne dzin mu. N'abatow mpasua no ka mbrahyɛbagua ngu du esia(16) wɔ ngua dodow a ɔyɛ eduonu akron(29) a National Democratic Congress amanyɛkuw no nyaa wɔ Brɔn na Ahafo Mantɔw mu wɔ Ghana.

N'abrabɔ

Alex awar. Ɔyɛ Kristonyi (Catholic).