Akua Donkor
Akua Donkor (Kwakwar 1952-Ɔbɛsɛ 28,2024) nna ɔyɛ Ghanan kuanyi na amanyɛnyi.[1] Ɔno na ɔyɛ amanyɛkuw ne panyin na noara na ɔtseew kuw Ghana Freedom Party (GFP).[2][3] Ɔyɛ obi a wɔannkɔ skuul biara.
| Bɔbea | female  |
|---|---|
| Ɔman a ofir do | Ghana |
| Dzin a wɔdze ama no | Akua |
| Ebusua dzin | Donkor |
| Da a wɔwoo no | Kwakwar 1952 |
| Owu da | 28 Ɔbɛsɛ 2024 |
| Bea a owui | Nkran Kuropɔn Mantɔw |
| Languages spoken, written or signed | English |
| N'edwuma | farmer, politician |
Benada, Ɔbɛsɛ 29,2024 anapa tutuutu na wɔdze bɔtoo gua dɛ woewu.
Ahyɛse Bra
sesa muWɔwoo no wɔ bosoom Kwakwar wɔ afe 1952 mu, na ofi Afigya Kwabre mansin a ɔwɔ Esuantse Mantɔw mu wɔ Ghana.[4] Ɔyɛ kookoo kuanyi. Onnyi nwomasua ho nyimdzee koraa.[5]
N'abrabɔ
sesa muNna ɔwɔ ba bi a wɔfrɛ no Ama Serwaa Bonsu.[4]
Amanyɛsɛm
sesa muAkua Donkor bɛyɛɛ Heman amanyɛnyi[5], a iyi yɛ kwan kor a nna ɔbɔboa no ma n'enyidoadzehu a ɔpɛ dɛ ɔbɛyɛ ɔmampanyin wɔ Ghana no aba mu. N'enyidoadzehu nye dɛ ɔbɛyɛ ɔmampanyin bɛdaa edzi wɔ 2012 abatow n'ase na noara begyinae wɔ abatow akansi no mu. Na mbom Abatow Kɔmihyɛn dze hɔn nsa too no do.Ekyir no, ɔyɛɛ n'adwen dɛ ɔdze n'ahoɔdzen bɔkɔ akɔboa Papa Kwesi Ndoum a ɔyɛ Progressive People's Party panyin.[6] Her party was disqualified by the Electoral Commission from contesting the 2016 election.[7] N'amanyɛkuw, Ghana Freedom Party dzi no dwuma tsitsir wɔ Kabu a ɔwɔ Epuei Mantɔw mu wɔ Ghana. Na mbom gyahyehyew bi sii wɔ hɔ wɔ bosoom Sanda ne da a ɔtɔ do 22 wɔ afe 2016 mu. Iyi ennsiw no kwan dɛ obegyina dɛ ɔmampanyin. N'afamu no, sɛ itum hyɛ amanyɛkuw ase a, ɔyɛ gyinabea a ɔma itum yɛ ɔmampanyin.[8] Seseiara Akua Donkor gu do a orubobue dwumadzibea wɔ mantɔw ahorow du ano wɔ Ghana.[9]
Bɔhyɛ wɔ abatow mber mu
sesa muSɛ ɔbɛyɛ Ɔmampanyin a, Akua Donkor hyɛɛ bɔ dɛ ɔbɛyɛ nwomasua ahyɛse dze kesi nsɔwdo skuul nyinara no, obiara runntua kaper mpo.[10] Ɔsan so hwehwɛ dɛ wɔbɔto ndzɛmba a wɔkra fi amanandze do ama toatua aboa ma nkɔrofo afa ndzɛmba beberee, ɔpɛ dɛ ogya kwan to Tema Port na ɔdze atwe eguadzi ho dwumadzi ahorow. Yebotum ayɛ iyi nyinara sɛ yedze Ghana ne ndzɛmba tse dɛ sika kɔkɔɔ, kookoo, nkuto na nkyen dzi dwuma. Ndzɛmba a wɔdze ngo ayɛ no ntɔe mpo yɛ ebufuw, ne tsitsir nye dɛ Ghana yɛ ɔman a otum yɛ ngo na ɔkra no ngo kɔ aman ahorow mu wɔ aber a wɔnnyɛ noho edwuma nnwiei. Muammar Gaddafi, yɛ amanyɛnyi a ɔhyɛ no nkuran, na ɔka dɛ nkyɛ ɔwɔ dɛ Ghana tum nye Libya yɛ pɛr wɔ ngo ne nyɛe na no ntɔnee.
Akua Donkor serɛɛ Ghanafo dɛ hom ntow aba mma basia na wɔnye no nyɛ hɔn Ɔmampanyin osiandɛ basia wɔ tum dɛ ɔbɛsesa ɔman no na ɔdze mpontu aba ɔman no mu.
Hɔn a woyii hɔn fii akansi no mu
sesa muBosoom Ɔbɛsɛ ne da a ɔtɔ do 10 wɔ afe 2016 mu no, Ghana Electoral Commission bɔɔ dawur dɛ oeyi Akua Donkor na nyimpa 12 a hɔn so gyinae maa hɔn amanyɛkuw wɔ bosoom Mumu ne da a ɔtɔ do 7 wɔ afe 2016 abatow no mu.Ɔgyee too mu dɛ nna mfom wɔ ne nkrataa no do tse dɛ ma EC dze too gua noara. Ɔhyɛɛ no kuw mpanyimfo na kuw mba no dɛ mma wɔnnhwer hɔn gyedzi wɔ amanyɛkuw no mu na kuw no dze ahoɔdzen bɛsan aba wɔ afe 2020 mu ma oebegyina dɛ ɔmampanyin wɔ akansi no mu.
Owu
sesa muOwuii wɔ Ɔbɛsɛ 28, 2024 wɔ Ridge Asopitsi a ɔwɔ Nkran a nna ɔregye ayaresa wɔ tsebea bi wɔammbɔ dzin ho ɔnam yarba bi a ɔtoo no wɔ ber a ɔrokɔ aprɔw wɔ ne 2024 Ghana amansan abatow no mu no.[11][12][13][14][15][16]
Mboa Nwoma
sesa mu- ↑ Otchere, Gertrude Owireduwaah (2024-10-29). "What you probably didn't know about Akua Donkor - Adomonline.com" (in American English). Retrieved 2024-10-29.
- ↑ "Akua Donkor, 'Otumfuo is my husband' - Now Ghana!". Now Ghana! (in American English). Archived from the original on 24 April 2016. Retrieved 9 April 2016.
- ↑ "Ghana Freedom Party Leader Akua Donkor dead" (in American English). 2024-10-29. Retrieved 2024-10-29.
- ↑ 4.0 4.1 "Akua Donkor: Ejuratia residents mourn as daughter calls for state burial" (in American English). 2024-10-29. Retrieved 2024-10-29.
- ↑ 5.0 5.1 Kanyarwunga (7 July 2011). "History of Africa Otherwise: Ms. Akua Donkor, illiterate President of Ghana ?". History of Africa Otherwise. Archived from the original on 19 January 2023. Retrieved 9 April 2016.
- ↑ "Disqualified Akua Donkor Joins Nduom's PPP". Peacefmonline.com. Retrieved 2024-09-03.
- ↑ Kasapa (2016-10-10). "RACE TO FLAGSTAFF HOUSE: EC says no to Akua Donkor" (in American English). Kasapa102.5FM. Retrieved 2024-09-03.
- ↑ https://en.wikipedia.org/wiki/Akua_Donkor#cite_note-4
- ↑ https://en.wikipedia.org/wiki/Akua_Donkor#cite_note-:1-5
- ↑ "See Akua Donkor's 18 promises for election 2024 - Adomonline.com" (in American English). 2024-07-13. Retrieved 2024-10-29.
- ↑ Miller, John (2024-10-29). "Ghanaian Politician Maame Akua Donkor Is Dead". America Gist (in American English). Retrieved 2024-10-29.
- ↑ "Breaking News: Akua Donkor reported dead". ModernGhana.
{{cite web}}: CS1 maint: url-status (link) - ↑ Mfomdo wɔ bea edzida no mu: Invalid
<ref>tag; no text was provided for refs nameddeath - ↑ "Akua Donkor: Ghana presidential candidate die about a month to elections". BBC News Pidgin. 2024-10-29. Retrieved 2024-10-29.
- ↑ "Akua Donkor is dead | 3News" (in American English). 2024-10-29. Retrieved 2024-10-29.
- ↑ "Ghana Freedom Party Leader Akua Donkor dead" (in American English). 2024-10-29. Retrieved 2024-10-29.